មែនក៏អី? លេចឮថា Marcelo ត្រៀមផ្លាស់មកក្លិបនៅ PL មួយនេះ

អង់គ្លេស៖ យោងតាមអ្នកកាសែត Marti Miras បានចុះផ្សាយថា ខ្សែការពារ Marcelo ដែលជាអតីតប្រធានក្រុម Real Madrid កាន់តែកៀកក្នុងការផ្ទេរទៅក្លិប Leicester City នៅក្របខណ្ឌ Premier League ឯប្រទេសអង់គ្លេសហើយ។

កីឡាករសញ្ជាតិប្រេស៊ីលរូបនេះនឹងត្រូវគេរំពឹងទុកថានឹងមកធ្វើតេស្តសុខភាពនៅ King Power ហើយចុះកុងត្រាជាមួយក្លិបរយៈពេលមួយឆ្នាំ គឺមានសុពុលភាពរហូតដល់ខែមិថុនាឆ្នាំ២០២៣។

Marcelo បានក្លាយជាកីឡាករដែលមិនទាន់មានក្លិបលេងតាំងពីចាកចេញពី Real Madrid កាលពីចុងបញ្ចប់រដូវកាលមុន បន្ទាប់ពីចំណាយពេលជាង ១៥ឆ្នាំស្នាក់នៅក្លិប។រូបគេបង្ហាញខ្លួនបាន ៥៤៦ប្រកួត និងរកបាន៣៨គ្រាប់។

Marcelo បានឈ្នះពាន Champions League ប្រាំដង និង La Liga ៦ដងព្រមទាំងពាន Club World Cup ៤ដងផងដែរ៕

ប្រភព៖ sportskeeda