បរទេស៖ វីរបុរស Arsenal និង Barcelona លោក Thierry Henry បានប្រាប់ទៅ Marcus Rashford ថា ការប្រើកម្លាំងមិនមែនជាដំណោះស្រាយសម្រាប់ខ្សែប្រយុទ្ធនោះទេ បន្ទាប់ពីកីឡាករ Manchester United រូបនេះខកខានស៊ុតបញ្ចូលទីទល់នឹង Tottenham Hotspur យប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រុមបិសាចក្រហម Manchester United យប់មិញ បានទទួលជ័យជម្នះទៅលើ Spurs ក្នុងលទ្ធផល ២-០ នៃការប្រកួតសប្តាហ៍ទី ១០ នៃក្របខណ្ឌ Premier League, ទោះបីជាយ៉ាងណាក៏ដោយ យើងហាក់ចាប់អារម្មណ៍ខ្លាំងទៅ Rashford ដែលយប់មិញរូបគេមានឱកាសស៊ុតជាច្រើនជើងទៅលើក្រុមមាន់ខ្នាយមាស ប៉ុន្តែជារួមសុទ្ធតែបរាជ័យទាំងអស់។
ក្រោយឃើញពីចំណុចខ្សោយរបស់ Rashford បែបនេះ, លោក Henry បានមានប្រសាសន៍ប្រាប់ទៅកាន់ Amazon Prime យ៉ាងដូច្នេះថា៖
គាត់គួរតែធ្វើបានល្អជាងនេះ។ នេះជាអ្វីដែលខ្ញុំត្រូវនិយាយ, នៅពេលដែលបាល់ទៅដល់អ្នក, អ្នកត្រូវតែសម្លឹងទៅមើលអ្នកចាំទី។ ខ្សែប្រយុទ្ធគេមិនធ្វើបែបហ្នឹងទេ, បាល់កំពុងមករកអ្នក, អ្នកត្រូវតែដឹងពីវា, អ្នកត្រូវតែមើលទៅអ្នកចាំទី ដើម្បីកំណត់ទីតាំងរបស់គាត់ ហើយជាទូទៅគាត់ (Rashford) គឺមិនដែលមើលនោះទេ។ អ្វីដែលអ្នកធ្វើជាធម្មតា គឺគ្រាន់តែស៊ុតតិចៗបានហើយ។ ការប្រើកម្លាំងមិនមែនជាដំណោះស្រាយនោះទេ៕
ប្រភព៖ Metro
Bong I.T