លោកយាយ អាយុវែងបំផុតនៅអាមេរិកថា បើចង់អាយុវែងដែរ ត្រូវខំធ្វើការ

អាមេរិក៖ លោកយាយម្នាក់ មកពី Carroll County និងជាអតីតគ្រូបង្រៀន បានក្លាយជាអ្នកមានអាយុច្រើនជាងគេបំផុត របស់សហរដ្ឋអាមេរិក ដែលមានជីវិតរស់នៅ ក្នុងអាយុ១១៥ឆ្នាំ។

ជាក់ស្ដែង លោកយាយ Bessie Hendricks បានកើតក្នុងឆ្នាំ១៩០៧ ដែលបានឆ្លងកាត់.ស.ង្គ្រា.ម.លោកចំនួនពីរ ជំ.ងឺ.រា.ត.ត្បា.ត.ធំៗចំនួនពីរ និងការ.លិ.ច.នៃកប៉ាល់ទីតានិច។ ហើយកាលពីថ្ងៃទី០៧ ខែវិច្ឆិកា ឆ្នាំ២០២២កន្លងទៅប៉ុន្មានថ្ងៃមុននេះ គាត់បានប្រារព្ធធ្វើឡើងនូវពិធីខួបកំណើតគម្រប់អាយុ១១៥ឆ្នាំ ដោយមានការចូលរួមពីកូនៗទាំង៣នាក់ផងដែរ ក្នុងមជ្ឈមណ្ឌលថែទាំ។

តួយ៉ាង លោកយាយបានបាត់បង់ម្ដាយ តាំងពីគាត់មានអាយុ១៣ឆ្នាំម៉្លេះ។ ហើយគាត់បញ្ចប់ការសិក្សាថ្នាក់វិទ្យាល័យក្នុងឆ្នាំ១៩២៦ និងរយៈពេល៤ឆ្នាំបន្ទាប់ គាត់ក៏បានរៀបការជាមួយនឹងបុរសម្នាក់ឈ្មោះថា Paul Hendricks។ ប៉ុន្ដែជាអកុសល ប្ដីរបស់គាត់បានទទួលមរណភាពក្នុងឆ្នាំ១៩៩៥ រយៈពេល១ខែប៉ុណ្ណោះមុនពេលពួកគាត់ត្រូវប្រារព្ធខួបអាពាហ៍ពិពាហ៍លើកទី៦៥។

ទន្ទឹមនឹងនេះ កូនស្រីម្នាក់របស់លោកយាយ ដែលបច្ចុប្បន្នមានអាយុ៩០ឆ្នាំ បាននិយាយថា លោកយាយគឺជាមនុស្សម្នាក់ឧស្សាហ៍ព្យាយាម ខិតខំធ្វើការ និងយកចិត្តទុកដាក់លើមនុស្សជុំវិញខ្លួន។ ហើយកាលពីក្នុងឆ្នាំ២០២១ លោកយាយត្រូវបានរាយការណ៍ថា មានចៅយ៉ាងហោចណាស់ចំនួន៩នាក់ ចៅទួតចំនួន២៨នាក់ ចៅលួតចំនួន៤២នាក់ និងចៅលា៧នាក់។ យ៉ាងណាមិញ លោកយាយផ្ទាល់ ក៏ធ្លាប់បានប្រាប់យ៉ាងខ្លីដែរថា ប្រសិនបើចង់រស់នៅបានយូរ គួរតែខំព្យាយាមធ្វើការងារ៕

ប្រភព: Mirror

សូមទស្សនារូបភាពខាងក្រោម៖