គួរឲ្យស្រឡាញ់ណាស់! ដល់វគ្គ​ វណ្ណដា ឡើងច្រៀង G-Devith ឈរមើលញញឹមគាំទ្រពីក្រោម(មានវីដេអូ)

រាជធានីភ្នំពេញ ៖ កក្រើកពេញពហុកីឡាដ្ឋានកាលពីយប់មិញនេះ ក្នុងពិធីបិទកីឡាជាតិលើកទី៣ ក្រោមវត្តមានដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ​ ហ៊ុន សែន នាយករដ្ឋមន្ត្រីនៃកម្ពុជា អញ្ជើញជាអធិបតីភាពក្នុងកម្មវិធី ទន្ទឹមនឹងនេះ ដើម្បីញ៉ាំងបរិយាកាសឲ្យមានភាពរីករាយបន្ថែមនោះ តារាចម្រៀងបោះសម្លេងចំនួន៣រូបត្រូវជ្រើសរើសឲ្យសម្តែងទស្សនីយភាពនិងច្រៀងនៅចុងកម្មវិធីផងដែរ។

តួយ៉ាង គេឯងពិតជារងចាំមើលប្រតិកម្មរបស់តារារ៉េបជាគូប្រជែងទាំង២រូបនេះជាខ្លាំង ព្រោះមិនធ្លាប់មានព្រឹត្តិការណ៍ណា ដែលអ្នកទាំំងពីរឡើងច្រៀងលើឆាកតែមួយក្នុងកម្មវិធីតែមួយយ៉ាងដូច្នេះណាស់ ខណៈទើបនឹងមានបញ្ហាចម្រូងចម្រាស់នឹងគ្នាមិនទាន់ប៉ុន្មានខែ។

យ៉ាងណាមិញ ចូលរួមក្នុងកម្មវិធីតែមួយទៅហើយ ប៉ុន្តែមិនឃើញរូបភាពរួមរបស់អ្នកទាំងពីរចែកចាយនៅឡើយទេរហូតមកទល់ព្រឹកនេះ ប៉ុន្តែងាកត្រឡប់ទៅមើលការសម្តែងទស្សនីយភាពកាលពីយប់មិញនេះ ដល់វគ្គតារារ៉េប វណ្ណដា ឡើងច្រៀង គេឃើញតារារ៉េប G-Devith ឈរញញឹមគាំទ្រពីក្រោមឆាក ធ្វើឲ្យហ្វេនៗនាំគ្នាស្រែកហ៊ោពេញពហុកីឡាដ្ឋាន មិនតែប៉ុណ្ណោះ ទោះមិនទាន់ថតរូបជាមួយគ្នាមែន តែនេះហាក់បង្ហាញរឿងល្អពីទំនាក់ទំនងរបស់តារារ៉េប២ដួងនេះ៕

បើចង់ដឹងឲ្យកាន់តែច្បាស់ថែមទៀតនោះ​ តោះទៅមើលរូបភាពខាងក្រោម ៖