បរទេស៖ អ្នកចាំទី Ederson Moraes បានទម្លាយពីចំណុចពិសេស ២ យ៉ាង ដែលធ្វើឱ្យគាត់គិតថាខ្សែប្រយុទ្ធរបស់ Arsenal កីឡាករ Gabriel Jesus គឺល្អជាង Erling Haaland ដែលជាមិត្តរួមក្រុមបច្ចុប្បន្នរបស់ខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គួរដឹងថា Jesus ក៏ធ្លាប់ជាអតីតមិត្តរួមក្រុមរបស់ Ederson នៅ Man City ផងដែរ មុនពេល Erling Haaland មកដល់ ហើយខ្សែប្រយុទ្ធសញ្ជាតិ ប្រេស៊ីល គឺបានចាកចេញពីទឹកដី Etihad Stadium ផ្លាស់ទៅកាន់ Arsenal កាលពីដើមរដូវកាលកន្លងទៅក្នុងតម្លៃ ៤៥ លានផោន ឬប្រមាណជា (៥៤ លានដុល្លារអាមេរិក)។
នៅរដូវកាលនេះ Haaland គឺរកបាន ៣២ គ្រាប់ហើយ ក្នុងចំណោមការបង្ហាញខ្លួនគ្រប់កម្មវិធីឱ្យ Man City ចំណែក Jesus វិញក៏កំពុងធ្វើបានល្អដែរ ដែលពេលនេះរូបគេរកបាន ៥ គ្រាប់ និង ៧ assist ក្នុងចំណោមការបង្ហាញខ្លួន ២០ ប្រកួតឱ្យ Arsenal។
ទោះបីជាយ៉ាងណាក៏ដោយ Ederson នៅតែគិតថា Jesus គឺមានសមត្ថភាពល្អជាង Haaland ហើយគាត់បានលើកឡើងហេតុផលយ៉ាងដូច្នេះថា៖
នៅពេលដែល Haaland មកដល់ យើងបាននិយាយថាគាត់នឹងស៊ុតបញ្ចូលទីបានច្រើន ហើយរឿងនោះ បច្ចុប្បន្នកំពុងកើតឡើងពិតមែន។ គាត់ជាអ្នកស៊ុតបញ្ចូលទីដ៏អស្ចារ្យ គាត់តែងតែរកគ្រាប់បាល់ និងជួយក្រុម។ គាត់គឺជាខ្សែប្រយុទ្ធដែលយើងត្រូវការ ប៉ុន្តែបើប្រៀបធៀបទៅនឹង Gabriel (Jesus) ពួកគេគឺជាកីឡាករផ្សេងគ្នា៖ Gabriel ចូលចិត្តអូសចូលពីខាងក្រៅ គាត់គឺខ្លាំងជាង និងអាចបត់បែនបានល្អជាង។ Haaland គាត់ចូលចិត្តលេងនៅកណ្តាល ដោយសម្លឹងរកការចូលទៅក្នុងប្រអប់ គាត់ជាគោលដៅមួយនៅក្នុងប្រអប់៕
ប្រភព៖ Sportskeeda
Bong I.T