មិនចេះខ្មាសគេ! ប៊ូខាវ ធ្វើអាវមានរូបយ័ន្ដខ្មែរ ពាក់យ៉ាងសង្ហា

ថៃ៖ បើងាកមកនិយាយ អំពីស្ដេចប្រដាល់ដែលមានកេរ្ដិ៍ឈ្មោះល្បីល្បាញរបស់ថៃ ប្រិយមិត្តនិយមទស្សនាវិស័យប្រដាល់ច្បាស់ជានឹកឃើញដល់ឈ្មោះកីឡាករថៃមួយរូបនោះហើយ គឺលោក ប៊ូ ខាវ​ ដែលគេបានស្គាល់លោកតាមរយៈការវាយប្រដាល់ និងសព្វថ្ងៃនេះ​លោកបានក្លាយទៅជាគ្រូបង្វឹកកីឡាប្រដាល់មួយនេះ ហើយលោកមានឈ្មោះនៅក្នុងជួរកងទ័ពទៀតផង។

ជាការពិតណាស់ កីឡាករប្រដាល់ថៃរូបនេះ គឺឧស្សាហ៍មានបញ្ហាជាមួយមហាជនខ្មែរយើងខ្លាំងណាស់ ព្រោះលោកតែងតែធ្វើអ្វីមួយ ដែលជាផលប៉ះពាល់មកលើមហាជនខ្មែរ ជាពិសេស កាលពីថ្មីៗនេះ លោកទើបតែធ្វើ ឲ្យប្រជាជនខ្មែរមានការខឹងសម្បារមកលើរូបលោកជាខ្លាំង ដោយកីឡាករថៃរូបនោះ បានមើលងាយមកលើកីឡាប្រដាល់គុនខ្មែរផងដែរ។

ដោយឡែក មានប្រភពមួយបានបង្ហោះជាមួយរូបភាពប៉ុន្មានសន្លឹក ដែលបានបញ្ជាក់ថា កីឡាករប្រដាល់លោក ប៊ូ ខាវ បានធ្វើ អាវពណ៌ក្រហម មានជាមួយរូបយ័ន្ដនៅលើអាវនោះ ដែលគេបានស្គាល់យ៉ាងច្បាស់ថា ជាយ័ន្ដនឹងជាអក្សររបស់ខ្មែរយ៉ាងច្បាស់ៗ ដែលកីឡាករប្រដាល់ថៃរូបនោះ បានដាក់ចូលបន្ថែមជាមួយរូប មានឈ្មោះរបស់លោកជា ភាសាអង់គ្លេស​ជាដើម។

លើសពីនេះ បានធ្វើឲ្យមហាជនរបស់ខ្លួនបានបញ្ចេញមតិ មិនពេញចិត្តស្អប់ខ្ពើមជាច្រើន ដែលពួកគេបានលើកឡើងថា «អរគុណប៊ូ ខាវ ដែលបានប្រើប្រាស់យ័ន្ដ និងសរសេរអក្សររបស់ខ្មែរ, ប្រយ័ត្នអានមិនចេញ, គាត់ថាជាជនជាតិគួយមិនមែនខ្មែរទេបែបគាត់ស្អប់ខ្មែរ តែមិចមិនគេចឲ្យផុត ពីអក្សរខ្មែរទៅលោកគួយមិនមែនខ្មែរអើយ? ជនជាតិគួយដែរជាប់ឈាមជ័រជាខ្មែរមើលៗគាត់ផង, មែរគ្រូដើម រត់ដល់ណាក៏មិនផុតអក្សរខ្មែរដែរ» និងមានមតិជាច្រើនទៀត ដែលលើកមកនិយាយមិនអស់ផងដែរ៕

សូមទស្សនារូបភាពខាងក្រោម៖