បរទេស៖ Rodrygo ខ្សែប្រយុទ្ធវ័យក្មេងរបស់ Real Madrid បានប្រើស្ទាយ៍អបអរ Siuu តាម Cristiano Ronaldo ដែលជាអតីតវីបុរសក្លិប បន្ទាប់ពីគេស៊ុតចូលគ្រាប់ទី ១ ទល់នឹង Chelsea យប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ នៅក្នុងការប្រកួតជើងទី ២ វគ្គ ៨ ក្រុមចុងក្រោយនៃពានរង្វាន់ Champions League នាយប់រំលងអាធ្រាត្រឈានចូលថ្ងៃទី ១៩ ខែ មេសា ឆ្នាំ ២០២៣ Real Madrid បានយកឈ្នះ Chelsea ក្នុងលទ្ធផល ២-០ ដែលក្នុងនោះគឺស៊ុតបញ្ចូលទីដោយ Rodrygo ទាំង ២ គ្រាប់ ពោលគឺនៅនាទីទី ៥៨ និង ៨០។
ទាក់ទងនឹងការប្រើស្ទាយ៍ Siuu របស់ Ronaldo នៅក្នុងការស៊ុតបញ្ចូលទីគ្រាប់ទី ១ យប់មិញ, Rodrygo បានបកស្រាយយ៉ាងដូច្នេះថា៖
តាមពិតដំបូង ខ្ញុំបានគិតថា នឹងអបអរគ្រាប់បាល់ដោយស្លាយជង្គង់ ប៉ុន្តែក្រោយមកខ្ញុំបាននឹកឃើញដល់និមិត្តរូបរបស់ខ្ញុំ គឺ Cristiano គាត់គឺស្ថិតនៅក្នុងចិត្តខ្ញុំជានិច្ច៕
គួរបញ្ជាក់ថា Real Madrid គឺបានកក់កៅអីឡើងទៅកាន់ពាក់កណ្តាលផ្តាច់ព្រ័ត្រផ្លូវការហើយ ដោយពួកគេត្រូវរង់ចាំគូប្រកួតរវាង Manchester និង Bayern Munich ដែលនឹងធ្វើការប្រកួតជើងទី ២ នាវេលាយប់នេះ៕
ប្រភព៖ Sportskeeda
Bong I.T