អ៊េមណាស់! Benzema យប់មិញស៊ុត hat-trick យ៉ាងអស្ចារ្យ ជួយឱ្យ R.Madrid លត់ Almeria ៤-២(មានវីដេអូ)

បរទេស៖ កាលពីថ្ងៃទី ២៩ ខែ មេសា ឆ្នាំ ២០២៣ យប់មិញនេះ ក្រុមម្ចាស់ផ្ទះ Real Madrid បានបើកទ្វាកីឡដ្ឋាន Santiago Bernabeu របស់ខ្លួន ទទួលស្វាគមន៍ក្រុមភ្ញៀវ Almeria នៅក្នុងការប្រកួតសប្តាហ៍ទី ៣២ នៃក្របខណ្ឌ LaLiga។

ជាការពិតណាស់ ក្រុមម្ចាស់ផ្ទះ Real Madrid ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញពួកគេទទួលជ័យជម្នះទៅលើក្រុមភ្ញៀវ Almeria ក្នុងលទ្ធផល ៤ ទល់នឹង ២។

ក្នុងនោះ ៤ គ្រាប់របស់ R.Madrid គឺស៊ុតបញ្ចូលទីដោយ Karim Benzema ៣ គ្រាប់ម្នាក់ឯង (hat-trick) និងមួយគ្រាប់ទៀតគឺរកបានដោយ Rodrygo ចំណែក ២ គ្រាប់តាមពីក្រោយរបស់ Almeria វិញ គឺរកបានដោយកីឡាករ Lazaro និង Lucas Robertone។

គួរបញ្ជាក់ថា Real Madrid បច្ចុប្បន្នគឺបន្តឈរនៅលេខរៀងទី ២ ដដែល ក្រោយឆ្លងកាត់ ៣២ ប្រកួតពួកគេមាន ៦៨ ពិន្ទុ, ចំណែក Almeria វិញ គឺកំពុងឈរនៅលេខរៀងទី ១៥ ក្រោយឆ្លងកាត់ ៣២ ប្រកួតដូចគ្នា ពួកគេមាន ៣៣ ពិន្ទុ។

សូមទស្សនាវីដេអូខាងក្រោម៖