រកណាបាន ឡានរបស់លោក ហ៊ុន បញ្ញាបុត្រ ជិត១លានដុល្លារ ត្រូវលោកតាវ័យ៧០បើកបុក ថែមទាំងមិនទាមទារសំណង អ្វីទាំងអស់

ភ្នំពេញ៖ កាលពីថ្ងៃទី០២ ខែមិថុនា ឆ្នាំ២០២៣ វេលាម៉ោង៧យប់ ស្ថិតនៅត្រង់ចំណុច រង្វង់មូលគួចកាណុង​សង្កាត់ស្រះចក ខណ្ឌដូនពេញ រាជធានីភ្នំពេញ ដែលបានបង្កឲ្យមានភាពភ្ញាក់ផ្អើល ជាខ្លាំងទៅដល់មហាជន ជុំវិញករណី រថយន្ដ Volkswagen ពណ៌ស បើកបរដោយបុរសវ័យចំណាស់ម្នាក់ អាយុ៧០ឆ្នាំ​ បានបើកទៅប៉ះ និងគៀរថយន្ដស៊េរីទំនើប Mclaren តម្លៃជាងកន្លះលានដុល្លារ ពណ៌លឿង របស់លោក ហ៊ុន បញ្ញាបុត្រ បណ្ដាលឲ្យកំ​ពិត និងឆ្កូតទឹកថ្នាំនៅ ត្រង់គូទរថយន្ដ ផ្នែកខាងឆ្វេងផងដែរ។

ដោយឡែក អ្វីដែលការតែភ្ញាក់ផ្អើលនោះគឺ ត្រង់ចំណុចរថយន្ដដែលខូចខាត បើវាយតម្លៃការខូចខាត រថយន្ដ Mclaren ពីខាងហ្គារ៉ាស់ ជួសជុលអស់ជិត៧ម៉ឺនដុល្លារ ប៉ុន្ដែខណៈនោះ ម្ចាស់រថយន្ដស៊េរីទំនើបលោក ហ៊ុន បញ្ញាបុត្រ មិនបានទាមទារសំណង់អ្វីទាំងអស់។

លើសពីនេះ មហាជន និងអ្នកលេងបណ្ដាញសង្គម ពិតជាកោតសរសើរ ចំពោះទឹកចិត្ត អាណិត មេត្តា​ ការយោគយល់ និងអធ្យាស្រ័យ របស់លោក ហ៊ុន បញ្ញាបុត្រ ទៅដល់លោកតាអាយុ៧០ឆ្នាំ ដែលបានបើកមកប៉ះ រថយន្ដរបស់លោក បណ្ដាលឲ្យរងការខូចខាតជាដើម៕

សូមទស្សនារូបភាពខាងក្រោម៖