ទាំងទស្សនិកជន ទាំងគ្រូបង្វឹកស្រែក wow គ្រប់គ្នា ក្រោយបេក្ខជនម្នាក់ ច្រៀងមានសម្លេងប្លែក ពីរោះមិនធម្មតា (មានវីដេអូ)

កម្សាន្ដ៖ កាលពីយប់ថ្ងៃទី០២ ខែកក្កដា ឆ្នាំ២០២៣ ម្សិលមិញនេះ មហាជន អ្នកនិយមតាមដានការប្រឡងចម្រៀង The Voice Cambodia រដូវកាលទី៣ បាននាំគ្នាសរសើរ ទៅលើកបេក្ខជនដែលចូលរួមប្រឡងម្នាក់ មានឈ្មោះថា ស៊រ ស៊ីណារ៉ាត់  វ័យ២៥ឆ្នាំ មកពីរាជធានីភ្នំពេញ បានលើកយកបទបរទេស ដើម្បីយកមកប្រឡង ដោយបទនោះ មានចំណងជើងថា « Your Man »។

ដោយឡែក បេក្ខជនរូបនេះ បានបញ្ចេញជាមួយសមត្ថភាពច្រៀង របស់ខ្លួនជាមួយបទភាសាបរទេស មួយនេះ​បានយ៉ាងល្អ និងទាក់ទាញគ្រូបង្ខឹកទាំង៤រូប មិនរារែកក្នុងការគោះបេតុង ដើម្បីយកបេក្ខជនរូបនោះ ធ្វើជាកូនក្រុមរបស់ពួកគេទេ ព្រោះថាបទដែលបេក្ខជន ស៊រ​ ស៊ីណារ៉ាត់ យកមកច្រៀង គឺត្រូវប្រើសម្លេងធំ និងមានកន្លែងពិបាកច្រើន ប៉ុន្ដែអ្វីដែលសំខាន់នោះ បេក្ខជនរូបនេះ បកស្រាយចម្រៀង របស់ខ្លួនលើកយកមកប្រឡង បានយ៉ាងល្អ ជាមួយសម្លេង ធំមានទឹកដម និងមានកន្លែងស្រទន់ ផ្អែមផ្សេងៗ ដែលបានទាក់ទាញអារម្មណ៍គ្រូបង្វឹកទាំង៤រូប គោះដណ្ដើមយករូបគេផងដែរ។

លើសពីនេះ ទាំងទស្សនិកជន ទស្សនាតាមរយះកញ្ចក់ទូរទស្ស និងការឡាយតាមហ្វេសប៊ុក រួមទាំងគ្រូបង្វឹកក្នុងកម្មវិធី The Voice Cambodai ទាំង៤រូបស្រែក Wow សរសើរគ្រប់ៗគ្នា ព្រោះថានៅក្នុងស្រុកខ្មែរ គឺមិនទាន់មានអ្នកណាម្នាក់ មានសម្លេងបែបនេះទេ យ៉ាងណាស្រុកខ្មែរ គឺមានបេក្ខជនម្នាក់នេះដែរ ដោយអាចច្រៀងជាមួយ សម្លេងបែបនេះ មិនត្រឹមតែប៉ុណ្ណោះ ដែលបេក្ខជន ស៊រ ស៊ីណារ៉ាត់ បាននិយាយថា ខ្លួនធ្លាប់ជានិស្សិត បានបញ្ចប់ការសិក្សានៅ​ សាកលវិទ្យាល័យភូមិន្ទវិចិត្រសិល្បៈ ផ្នែកខាងចម្រៀង ហើយគួរបញ្ជាក់ដែលថា បេក្ខជនរូបនេះ បានជ្រើសរើសកំពូលតារាចម្រៀង អ្នកនាង ឱក សុគន្ធ កញ្ញា ធ្វើជាគ្រូបង្វឹក ដើម្បីបន្ដដំណើរ តទៅមុខទៀត៕

សូមទស្សនារូបភាពខាងក្រោម៖