វណ្ណដា និង វណ្ណថាន សម្ងំដឹកដៃគ្នា ហោះទៅច្រៀងខនសឺតដល់តៃវ៉ាន់ សុទ្ធតែបរទេសចូលរួម(មានវីដេអូ)

កម្សាន្ត៖ ជឿជាក់ថាប្រិយមិត្តដែលជាអ្នកគាំទ្ររបស់តារារ៉េបដ៏ល្បីល្បាញប្រចាំព្រះរាជាណាចក្រកម្ពុជា លោក វណ្ណដា និង តារាចម្រៀងសម្លេងមាស ដៃឯកខាងឧបករណ៍តន្ត្រីខ្មែរ លោក វណ្ណថាន ប្រាកដជាដឹងហើយថា អ្នកទាំងពីរ បានហោះហើរឆ្លងទ្វីបទៅកាន់ប្រទេសតៃវ៉ាន់ ដើម្បីបំពេញការងារសិល្បៈ ប៉ុន្ដែនៅមិនទាន់ដឹងប្រាកដថាជាការងារអ្វី។

ទន្ទឹមនឹងនោះ ថ្មីៗនេះ ផេកជាផ្លូវការរបស់កម្មវិធីខនសឺតមួយរបស់តៃវ៉ាន់ឈ្មោះថា Takao Rock 打狗祭 បានបង្ហោះរូបតារាចម្រៀបរ៉េប វណ្ណដា និង វណ្ណថាន យ៉ាងច្រើនសន្លឹកនៅក្នុងកម្មវិធីប្រគុំតន្ត្រីដ៏ធំ 2023 Takao Rock 打狗祭 ដែលមានអ្នកចូលរួមទស្សនាសុទ្ធតែជាជនជាតិតៃវ៉ាន់រាប់ពាន់នាក់។

មិនតែប៉ុណ្ណោះ សំបុត្រចូលរួមកម្មវិធីនេះ មានតម្លៃរហូតទៅដល់៤៧ដុល្លារឯណោះ ដែលមានអ្នកទស្សនាយ៉ាងច្រើនកុះករ គួរឲ្យមានមោទកភាពចំពោះតារាប្រុសប្រចាំប្រទេសកម្ពុជាទាំង២រូបនេះពិតមែន។ លើសពីនោះ យើងក៏បានប្រទះឃើញអ្នកទស្សនាជនជាតិបរទេសម្នាក់ ពាក់ក្រម៉ាខ្មែរទៀតផង នេះបានបញ្ជាក់ថា បរទេសកាន់តែស្គាល់ប្រទេសកម្ពុជាកាន់តែច្រើន តាមរយៈតន្ត្រី និង តារាចម្រៀង៕

ប្រភព៖ Takao Rock 打狗祭