សុទ្ធតែទ្វីបអឺរ៉ុប G-Devith និង ទេព បូព្រឹក្ស ដឹកដៃគ្នាហោះទៅចក្រភពអង់គ្លេស

កម្សាន្ត៖ មហាជនភាគច្រើនច្បាស់ជាដឹងហើយថា​ តារាចម្រៀងរ៉េបដ៏ល្បីល្បាញនៃព្រះរាជាណាចក្រកម្ពុជា លោក G-Devith និ​ង តារាចម្រៀងស្រីសម្លេងស្រទន់មានប្រជាប្រិយភាពមិនចាញ់គ្នាប៉ុន្មាន អ្នកនាង ទេព បូព្រឹក្ស ដែលអ្នកទាំងពីរធ្លាប់បានចូលរួមកម្មវិធី Fashion Show ដ៏ធំអស្ចារ្យនៅក្រៅប្រទេស។

សម្រាកមិនទាន់បានប៉ុន្មាន ពេលនេះ តារាចម្រៀងប្រុសស្រីទាំងពីរបានដឹកដៃគ្នា ធ្វើដំណើរទៅកាន់ ចក្រភពអង់គ្លេសម្ដង ដែលមិនទាន់ដឹងថា G-Devith និង ទេព បូព្រឹក្ស ទៅទីនោះ ចូលរួមកម្មវិធីអ្វីនៅឡើយទេ ប៉ុន្ដែអ្នកគាំទ្រសូមទាយទុកមុនថា ទៅចូលរួមកម្មវិធី Fashion Show ទៀតមិនខាន។

ជាមួយគ្នានេះដែរ តារារ៉េប G-Devith បានបង្ហោះរូបភាពជាមួយភរិយានៅឯព្រលានយន្ដហោះ ហើយសរសេរខេបសិនគួរឲ្យចាប់អារម្មណ៍។ នៅក្នុងនោះ​មានអត្ថន័យថា ហោះពីភ្នំពេញ ទៅកាន់ ចក្រភពអង់គ្លេស វាជាគោលដៅមួយទៀត ដែលព្រះជាអ្នកកំណត់៕

ប្រភព៖ G-Devith