អបអរ តារាសម្ដែង KooTee ចូលរោងការជាមួយភរិយាហើយ ក្រោយទាក់ទងគ្នាជាង ១០ឆ្នាំ

ថៃ៖ គឺជារឿងដ៏រីករាយ សម្រាប់តារាសម្ដែង និងតារាកំប្លែង លោក KooTee ជាមួយនឹងគូស្នេហ៍ ដែលបានចូលរោងការជាមួយគ្នាយ៉ាងក្ដៅ កាលពីថ្មីៗនេះ បន្ទាប់ពីបានទាក់ទងមើលចិត្តគ្នាជាង ១០ឆ្នាំ។

ជាមួយនឹងការរៀបចំពិធីមង្គលការដ៏មានសុភមង្គល តារាសម្ដែង លោក KooTee ក៏បានឆ្លៀត​ឱកាស​អញ្ជើញ​អ្នក​សារព័ត៌មាន ធ្វើ​សន្និសីទ​សារព័ត៌មាន ដើម្បី​បើកបង្ហាញពីរឿងរ៉ាវ និងអារម្មណ៍ផ្ទាល់ខ្លួន ក្នុងថ្ងៃពិសេសនៃជីវិតអាពាហ៍ពិពាហ៍។ ហើយនៅក្នុងនោះដែរ គូស្វាមីភរិយាថ្មីថ្មោងមួយគូនេះ ក៏បាន​រៀបចំ​ពិធី​មង្គលការ​តាម​ប្រពៃណី នៅ​ក្នុង​បរិយាកាស​សាមញ្ញ​មួយ​ ជាមួយសាច់ញាតិទាំងសងខាង រួមទាំងមិត្តភក្តិ ដែលបានមកចូលរួមធ្វើជាសាក្សី ទៀតផង។

យ៉ាងណាមិញ ក្រោយពីបានឃើញបែបនេះហើយ បណ្ដាហ្វេនៗជាច្រើន ក៏បានចូលរួមអបអរសាទរចំពោះរូបលោក ព្រមទាំងភរិយា និងជូនពរឲ្យកាន់តែមានក្ដីសុខនៅក្នុងជីវិតគ្រួសារ ផងដែរ៕

ប្រភព៖ Sanook

សូមទស្សនារូបភាពខាងក្រោម៖