ច្បាស់ការ! Werner នឹងហោះមកអង់គ្លេស ដើម្បីចុះកុងត្រាជាមួយក្លិបគីឡូធ្ងន់របស់ PL មួយនេះនៅថ្ងៃនេះហើយ

បរទេស៖ ខ្សែប្រយុទ្ធរបស់ RB Leipzig កីឡាករ Timo Werner ត្រូវបានគេរាយការណ៍ថា បានយល់ព្រមផ្លាស់មកកាន់ក្រុមមាន់ខ្នាយមាស Tottenham Hotspur នៅទីផ្សារដោះដូរកីឡាករខែ មករា នេះក្នុងលក្ខខណ្ឌខ្ចីជើងហើយ។

យោងតាមការចុះផ្សាយដោយអ្នកកាសែតអ៊ីតាលីល្បីឈ្មោះលោក Fabrizio Romano បានឱ្យដឹងថា Timo Werner នឹងហោះមកកាន់ទីក្រុងឡុងស៍នៅថ្ងៃនេះ ដើម្បីបំពេញបែបបទក្នុងការផ្ទេរមកកាន់ Spurs ក្នុងលក្ខខណ្ឌខ្ចីជើង។

ប្រភពដដែលបានបន្ថែមថា ភាគីក្លិប RB Leipzig បានយល់ព្រមជាមួយ Spurs តាំងតែពីថ្ងៃ សៅរិ៍ មកម្ល៉េះ ដោយពួកគេបានព្រមព្រៀងគ្នាខ្ចីជើងអតីតខ្សែប្រយុទ្ធរបស់ Chelsea រូបនេះរហូតដល់ខែ មិថុនា ឆ្នាំ ២០២៤ ខាងមុខ អមជាមួយជម្រើសទិញផ្តាច់ក្នុងតម្លៃ ១៩ លានអឺរ៉ូ ឬប្រមាណជា (២០.៨ លានដុល្លារអាមេរិក)។

ប្រភព៖ Fabrizio Romano