កម្ពុជា៖ ខ្សែប្រយុទ្ធក្លិប Manchester United កីឡាករ Anthony Martial នឹងត្រូវខកខានជួយក្រុមប្រមាណជា ២ខែកន្លះ បន្ទាប់ពីរូបគេទទួលបានការវះកាត់ក្រលៀនបានដោយជោគជ័យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ Martial បង្ហាញខ្លួនលើកចុងក្រោយឲ្យ Man UTD តាំងពីចាញ់ Bournemouth ៣ទល់នឹង០ កាលពីថ្ងៃទី ៩ ខែធ្នូ មកម្លេះ បន្ទាប់ពីរូបគេត្រូវបានប្តូរចេញក្នុងនាទីទី ៥៦ ខណៈ ថ្មីៗនេះ ក្លិបបិសាចក្រហមបានប្រកាសថា កីឡាករសញ្ជាតិបារាំងខាងលើ បានឆ្លងកាត់ការវះក្រលៀនបានដោយជោគជ័យ។
ក្នុងនោះ Manchester United បានចេញសេចក្តីថ្លែងការដែលមានខ្លឹមសារយ៉ាងដូច្នេះថា៖
Anthony Martial បានទទួលការវះកាត់ក្រលៀនបានដោយជោគជ័យ និង ត្រូវអវត្តមានពីទីលានចំនួន ១០សប្តាហ៍។ ពួកយើងសូមជូនពរឲ្យ Martial ឆាប់ជាសះស្បើយដើម្បីត្រឡប់មកកាន់ទីលានប្រកួតវិញ៕
ប្រភព៖ Manchester United
Bong I.T