សង់តង់គ្នាណាស់! Savinho យប់មិញលើកឱ្យ Haaland តែតមួយក្បាលដូចចាប់ដាក់ ជួយឱ្យ Man City ឈ្នះ Leicester ២-០(មានវីដេអូ)

បរទេស៖ កាលពីយប់មិញនេះត្រូវនឹងថ្ងៃទី ២៩ ខែ ធ្នូ ឆ្នាំ ២០២៤ ក្រុមម្ចាស់ផ្ទះកញ្ជ្រោងខៀវ Leicester City បានបើកទ្វាកីឡដ្ឋានរបស់ខ្លួន ទទួលស្វាគមន៍ក្រុមភ្ញៀវ Manchester City នៅក្នុងការប្រកួតសប្តាហ៍ទី ១៩ នៃក្របខណ្ឌ Premier League របស់ អង់គ្លេស។

ជាការពិតណាស់ នៅក្នុងការប្រកួតនោះ ខាងក្រុមភ្ញៀវ Man City ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានទទួលជ័យជម្នះទៅលើក្រុម Leicester ក្នុងលទ្ធផល ២ ទល់នឹង ០។

ក្នុងនោះ ២ គ្រាប់របស់ Man City គឺរកបានដោយកីឡាករ Savinho នៅនាទីទី ២១ និងមួយគ្រាប់ទៀត ដែលជាគ្រាប់ចុងក្រោយរកបានដោយ Erling Haaland នៅនាទីទី ៧៤។

គួរបញ្ជាក់ថា ក្រោយជ័យជម្នះយប់មិញនេះ បានធ្វើឱ្យ Man City ហក់ឡើងមកឈរនៅលេខរៀងទី ៥ បណ្តោះអាសន្ន ក្រោយឆ្លងកាត់ ១៩ ប្រកួត ពួកគេឈ្នះ ៩ ស្មើ ៤ និងចាញ់ ៦ មាន ៣១ ពិន្ទុ។ ចំណែកក្រុម Leicester វិញ កំពុងស្ថិតនៅតំបន់គ្រោះថ្នាក់ ដោយបច្ចុប្បន្នពួកគេមាន ១៤ ពិន្ទុ ឈរនៅលេខរៀងទី ១៤។

សូមទស្សនាវីដេអូខាងក្រោម៖