លាហើយ! កីឡាករឆ្នើម Real Madrid រូបនេះប្រកាសចង់ចាកចេញពីក្លិបក្រោយចប់រដូវកាលនេះ

អេស្ប៉ាញ៖ ខ្សែការពារក្លិប Real Madrid កីឡាករ Nacho Fernandez ត្រូវបានគេរាយការណ៍ថា បានប្រាប់ទៅកាន់ថ្នាក់លើ ថា រូបគេមានបំណងចង់ចាកចេញពីក្លិបក្រោយចប់រដូវកាលនេះ។

ជាការពិតណាស់ Nacho បានចាប់ផ្តើមអាជីពបាល់ទាត់របស់ខ្លួនតាំងពីអាយុ ១១ឆ្នាំ ជាថ្នាលរបស់ Real Madrid ពីចន្លោះឆ្នាំ ២០០១-២០០៩ និង បានតម្លើងមកកាន់ក្រុមឈុតធំនៅក្នុងឆ្នាំ ២០១១ គិតមកទល់ពេលនេះមានរយៈពេល ២៣ឆ្នាំទៅហើយ និង មានសមិទ្ធផលជួយក្រុមឈ្នះពានរង្វាន់ជាច្រើន ខណៈ បច្ចុប្បន្នបើយើងនិយាយពីកុងត្រារបស់កីឡាករសញ្ជាតិអេស្ប៉ាញខាងលើវិញ គឺ នៅសេសសល់ត្រឹមបំណាច់រដូវកាលនេះប៉ុណ្ណោះ។

ក្នុងនោះបើយើងទៅតាមការចុះផ្សាយរបស់លោក Fabrizio Romano បានលើកឡើងថា Nacho បានប្រាប់ទៅកាន់ថ្នាក់លើរួចរាល់ថា អំពីគម្រោងក្នុងការចាកចេញពីក្លិបនាខែមិថុនានេះ ខណៈ បច្ចុប្បន្នមាន Inter Milan ដែលចង់បានរូបគេមករួមក្រុម។

ប្រភព៖ Fabrizio Romano