ស្លៀកពាក់ធម្មតាទេ Jisoo ស្អាតដូចនារីអភិជន នៅមុខទួរ៍អេហ្វ៊ែល

បារាំង៖ ថ្មីៗនេះ Jisoo កំពុងស្ថិតនៅឯទីក្រុងប៉ារីស ប្រទេសបារាំង ដោយសារនាងទើបតែបានចូលរួមកម្មវិធីដើរម៉ូត Dior Haute Coutour Autumn-Winter 2024 រៀបចុំឡើងដោយ Dior ដែលនាងជាអ្នកតំណាងសាកល។

បន្ទាប់ពីចប់កម្មវិធី គេឃើញថា Jisoo បាននៅលំហែឯទីក្រុងប៉ារីស តាមរយៈរូបភាពថ្មីដែលនាងបានបង្ហោះឲ្យអ្នកគាំទ្របានឃើញ គឺនាងនៅតែបង្ហាញសម្រស់ដ៏ទន់ភ្លន់ដូចព្រះនាងជាមួយនឹងស្នាមញញិមស្រាលស្រទន់ ឈរនៅបរិវេណខាងមុខសំណង់ Tour Eiffel ដ៏ល្បីឈ្មោះរបស់ប្រទេសបារាំង។

ក្នុងនោះ Jisoo ស្លៀកពាក់សាមញ្ញៗរបៀបអ្នកទេសចរគឺអាវដៃខ្លីរឹបពណ៌ស និងខោខោប៊យធម្មតា និងគាបសក់ឡើងត្រង់ស្អាត ដោយនាងបានថត Selfie ជាច្រើនជាមួយនឹងស្នាមញញិមសុភាពទន់ភ្លន់ ធ្វើឲ្យអ្នកគាំទ្រសរសើរមិនដាច់ពីមាត់ថា សម្រស់ Tour Eiffel នៅចាញ់នាងទេ៕  

ប្រភព៖ kbizoom