Lisa ជះលុយបិទ Chinatown នៅបាងកក ដើម្បីតែធ្វើរឿងមួយនេះ

កម្សន្ត៖ កាលពីថ្ងៃទី២៦ខែមិថុនាកន្លងទៅនេះ Lisa ដែលជាសមាជិកក្រុមចម្រៀងនារី BLACKPINK បានបញ្ចេញឈុតខ្លីនៃវីដេអូចម្រៀង MV បទថ្មីរបស់នាងមានឈ្មោះថា "ROCKSTAR" នៅលើគណនី Youtube ផលិតកម្ម LLOUD របស់នាង។

នេះរាប់ថាជាបទចម្រៀងថ្មីដំបូងគេរបស់នាង ក្រោមឈ្មោះផលិតកម្មបង្កើតដោយខ្លួនឯង ក្រោយផុតកុងត្រាជាមួយផលិតកម្ម YG ដែលក្នុងនោះគេឃើញថា Lisa ពិតជាតែងខ្លួនប្លែកនិងឡូយខ្លាំងណាស់។

យ៉ាងណាមិញ មានឈុតមួយក្នុងនោះដែលអ្នកគាំទ្រចាប់អារម្មណ៍ខ្លាំង គឺឈុត Lisa ដើរនៅលើផ្លូវមួយទទេស្អាតគ្មានមនុស្សនាពេលយប់ ដែលផ្លូវនោះត្រូវបានគេស្គាល់ថានៅទីក្រុងបាងកក ប្រទេសថៃ ជាប្រទេសកំំណើតនាង។

ផ្លូវនេះស្ថិតនៅម្ដុំផ្សារ Yaowarat នៅតំបន់ Chinatown (សម្បូរជនជាតិចិនរស់នៅ) ដែលមានការមមាញឹកខ្លាំងណាស់ មិនចាញ់នៅ Timesquare ឯសហរដ្ឋអាមេរិកប៉ុន្មានទេ ដែលនេះមានន័យថាដើម្បីថត MV នេះ Lisa បានជួលឲ្យបិទតំបន់នេះសិន។

ក្រៅពីនោះ Lisa ក៏បានថតនៅអគារគេបោះបង់ចោលនៅ New World Mall ស្ថិតនៅឯផ្លូវ Bang Lamphu នាទីក្រុងបាងកកទៀតផង៕  

ប្រភព៖ koreaboo