ចេញហើយ MV បទថ្មីរបស់ Lisa «ROCKSTAR» ញាក់គ្រប់ប្លង់

កម្សាន្ត៖ ដូចដែលប្រិយមិត្តបានជ្រាបហើយថា Lisa ដែលជាសមាជិកក្រុមចម្រៀងនារី BLACKPINK នៅតែទទួលបានការគាំទ្រខ្លាំងបើទោះបីជានាងបានចាកចេញពីផលិតកម្ម YG មកបើកផលិតកម្មផ្ទាល់ខ្លួនមានឈ្មោះថា LLOUD ក៏ដោយ។

ដោយឡែក កាលពីម្សិលម្ញ៉ៃថ្ងៃទី២៦កន្លងទៅ Lisa ក៏បានបង្ហើបឈុតខ្លីពីក្នុង MV បទចម្រៀងថ្មីរបស់ខ្លួនមានចំណងជើងថា «ROCKSTAR» ដែលជាបទដំបូងគេរបស់នាងក្រោមផលិតកម្មថ្មី ដែលទទួលបានការសរសើរថាពិតជាឡូយខ្លាំងណាស់។

ឥឡូវនេះវីដេអូចម្រៀងពេញរបស់បទ «ROCKSTAR» បានចេញជាផ្លូវការហើយនៅលើគណនី Youtube ដែលក្នុងវីដេអូនេះ Lisa ពិតជាឡូយឆាយគ្រប់ប្លង់ និងស្រស់ស្អាតមួយបែប ហើយកាន់តែពិសេសនោះចង្វាក់ភ្លេងពិតជាពីរោះ ធ្វើឲ្យអ្នកគាំទ្រនាំគ្នាសរសើរថា នាងពិតជាមិនធ្វើឲ្យអ្នកគាំទ្រខកបំណងនោះឡើយ។

សូមទស្សនាវីដេអូ MV បទ «ROCKSTAR» ខាងក្រោម៖