YG Entertainment បញ្ជាក់ថា​ជំនួប​ជាមួយ 2NE1 នឹងមានដំណឹង​ល្អ​ឆាប់ៗ!

កូរ៉េខាងត្បូង៖ នៅក្នុងសេចក្តីថ្លែងការណ៍មួយដែលបានចែករំលែកជាមួយប្រព័ន្ធផ្សព្វផ្សាយផ្សេងៗ រួមទាំង Sports Chosun ផងដែរ ផលិកម្ម YG Entertainment បានបង្ហើបឱ្យដឹងថា Yang Hyun Suk បានជួបជាមួយសមាជិកទាំងបួននៃក្រុម 2NE1 (CL, Park Bom, Sandara Park​ និងMinzy) នៅអគាររបស់ YG Entertainment ក្នុងសង្កាត់ Hapjeong នៃទីក្រុងសេអ៊ូល។

ជាមួយនឹងជំនួបមួយនេះ Yang Hyun Suk បានស្វាគមន៍យ៉ាងកក់ក្តៅទៅលើក្រុម 2NE1 ហើយជំនួបរបស់ពួកគេមានរយៈពេលប្រហែលពីរម៉ោង ដោយមានការសន្ទនាយ៉ាងរលូន ជាមួយនឹងភាពវិជ្ជមាន។ ជំនួបនេះគឺសំខាន់ជាងការជួបរបស់ CL ជាមួយ Yang Hyun Suk កាលពីខែឧសភា ព្រោះថានេះជាជំនួបផ្លូវការនៅការិយាល័យរបស់ YG ។

គួររំលឹកផងដែរថា នេះជាជំនួប​​លើកដំបូងរវាង Yang Hyun Suk និង 2NE1 ក្នុងរយៈពេល ៨ ឆ្នាំកន្លងមក ហើយពួកគេបានធ្វើការសន្ទនាក្នុងរយៈពេលដ៏យូរ តែមិនទាន់មានគម្រោងជាក់លាក់ណាមួយត្រូវបានធ្វើឡើងនៅឡើយទេ តែទោះជាយ៉ាងណា ខាងផលិតកម្ម សូមទន្ទឹងរង់ចាំផ្តល់ដំណឹងល្អទៅកាន់ អ្នកគាំទ្រក្នុងពេលឆាប់ៗនេះ៕

ប្រភព៖ koreaboo