សោកស្តាយណាស់ Selena បង្ហើបថានាងមិនអាចមានផ្ទៃពោះ ដោយសារហេតុផលមួយនេះ

អាមេរិក៖ ថ្មីៗនេះ តារាចម្រៀងនិងជាអ្នកជំនួញស្រី Selena Gomez បានក្លាយជាមហាសេដ្ឋីជាផ្លូវការបន្ទាប់ពីទ្រព្យសម្បត្តិរបស់នាង បានកើនឡើងដល់ ១.៣ពាន់លានដុល្លារ ដោយសារតែផលិតផល Rare Beauty របស់នាងទទួលបានការគាំទ្រភ្លូកទឹកភ្លូកដី។

ងាកមកជីវិតឯកជនវិញ Selena ក៏បានទាក់ទងគ្នាជាមួយនឹងផលិតករលោក Benny Blanco អស់រយៈពេលលើស១ឆ្នាំមកហើយដោយជារឿយៗ អ្នកទាំងពីរតែងតែចេញមកបង្ហាញភាពផ្អែមល្ហែមមិនដែលដាច់សោះ។

ខណៈពេល Hailey Bieber ដែលជាភរិយារបស់ Justin Bieber និងត្រូវជាអតីតគូស្នេហ៍របស់នាង ទើបតែទទួលបានចំណងដៃកូនជាមួយគ្នានោះ Selena បានចេញមកបង្ហើបថានាងមិនអាចពពោះទារកខ្លួនឯងបានទេដោយសារកំពុងប្រើប្រាស់ថ្នាំព្យាបាលជំងឺ Lupus ហើយអាចនឹងធ្វើឲ្យកូនក្នុងផ្ទៃមានគ្រោះថ្នាក់ ដែលនោះពិតជាដំណឹងមួយដ៏សោកសៅរបស់នាង ហើយអនាគតទៅ ពេលចង់បានបុត្រ នាងអាចនឹងជួលគេពពោះឬក៏យកក្មេងមកចិញ្ចឹមតែម្ដង ព្រោះនាងថានាងមិនខ្វល់នោះឡើយ នាងនឹងស្រលាញ់ក្មេងឲ្យដូចក្មេងដែលបង្កកំណើតក្នុងពោះ៕  

ប្រភព៖ billboard