ជិតគ្រប់ខែ​ តែសម្រស់ សារ៉ាយ ​សក្ខណា នៅខ្ញង់ធម្មតា

ភ្នំពេញ៖  ថ្មីៗនេះ តារាស្រីសារ៉ាយ ​សក្ខណា បានធ្វើឲ្យមានការចាប់អារម្មណ៍ ជាខ្លាំងនឹងការលេងស្ទាយ៍អ្នកម៉ាក់សម័យថ្មី ក្នុងស្ទីលតុបតែងខ្លួនយ៉ាងលេចធ្លោ ជាមួយរូបរាងពរពោះ ដែល​​កូន​​​ក្នុងផ្ទៃ​​មានអាយុជាច្រើនសប្ដាហ៍ហើយ របស់តារាស្រីរូបនេះផងដែរ។  

ជាមួយគ្នានេះដែរ អ្នកម្តាយសម័យថ្មី រូបនេះ បានគ្រងឈុតរ៉ូបពណ៌ប្រាក់ ជាឈុតសម្រាប់ស្រ្តីពរពោះ ដែលរំលេចទៅនឹងប៉ាក់អង្កាំ ខណៈពោះរបស់នាងកាន់តែធំ ដែលធ្វើឱ្យតារាសម្តែងស្រីរូបនេះ មានភាពទាក់ទាញថែមមួយកម្រិតទៀត។

តួយ៉ាង ភាពស្រស់ស្អាត របស់អ្នកម៉ាក់កំពុងពរពោះរូបនេះ បានធ្វើឲ្យអ្នកលេងបណ្តាញសង្គម មានការចាប់អារម្មណ៍​ក៏ដូចជាលាន់មាត់សរសើរ ថារូបនាង នៅតែមានខ្ងង់ ក៏ដូចជារូបរាងនៅតែល្អឥតខ្ចោះដដែល៕