ដើរលើកម្រាលព្រំក្រហម VMAs Lisa ស្លៀករ៉ូបសស្អាតឆ្វាចដូចម្ចាស់ក្សត្រិយ៍

អាមេរិក៖ នាព្រឹកថ្ងៃទី១២ខែកញ្ញានេះ ប៉ុស្តិ៍ទូរទស្សន៍ MTV បានរៀបចំកម្មវិធី "Video Music Award"ឆ្នាំ២០២៤ ឬ VMAs ដែលមានការចូលរួមពីសំណាក់អ្នកចម្រៀងសាកលលោកជាច្រើន ដែលក្នុងនោះមានដូចជា Taylor Swift, Sabrina Carpenter, Katy Perry, Post Malone...និងតារាល្បីៗជាច្រើនទៀត។

ក្នុងនោះដែរ Lisa ដែលជាសមាជិកក្រុមចម្រៀងនារី BLACKPINK ក៏បានចូលរួមកម្មវិធីប្រគល់ពាននេះដែរ ដោយបង្ហាញខ្លួនតែម្នាក់ឯងក្នុងនាមជាអ្នកចម្រៀងទោល ប៉ុន្តែនាងបានអង្រួនកម្រាលព្រំក្រហម ទាញចំណាប់អារម្មណ៍ពីទស្សនិកជន ក្រោយបង្ហាញខ្លួនជាមួយរ៉ូបពណ៌សរឹបរាងដូចព្រះនាង។

រ៉ូបនេះមានស្បៃគ្របក្បាល សណ្ឋានជាដៃវែង និងមានសម្រុងអូសដី ឯតួរ៉ូបផ្នែកខាងមុខរាងយារធ្លាក់ទៅម្ខាងបង្ហាញអាវរឹបពណ៌ស្បែកដូចជា Corset កាន់តែធ្វើឲ្យ Lisa មើលទៅស្រស់ស្អាតនិងមានអំណាចខ្លាំងដូចជាព្រះនាង។ បន្ថែមពីលើនេះ Lisa ក៏បានឈរឈ្មោះលើផ្នែក "បទ K-POP ដ៏ល្អបំផុត" ," វីដេអូកែកុនដ៏ល្អបំផុត" , "សិល្បៈនៃការតុបតែងក្នុងវីដេអូដ៏ល្អបំផុត" និង "ក្បាច់រាំដ៏ល្អបំផុត" ហើយនាងក៏បានសម្ដែងនៅក្នុងកម្មវិធី VMAs ជាមួយបទ Rockstar និង New Woman ដែរ៕  

ប្រភព៖ elle