លេងមួយឈុតនេះ គ្មានអ្នកណាគិតថា Madonna អាយុ៦៦ឆ្នាំទេ

អាមេរិក៖ បើនិយាយពីតារាចម្រៀងជើងចាស់របស់អាមេរិក គេមុខជាគិតដល់លោកស្រី Madonna ហើយដែលលោកស្រីជាតារាចម្រៀងមានកេរ្តិ៍ឈ្មោះល្បីល្បាញតាំងពីជំនាន់ឆ្នាំ៩០មកម៉្លេះ។

បច្ចុប្បន្ននេះទោះមានវ័យ ៦៦ឆ្នាំហើយ តែលោកស្រីនៅតែចាយរាងចាយសម្រស់យ៉ាងស្អាតឆ្វាច មិនខុសពីតារាចម្រៀងបែបយុវវ័យផ្សេងៗទៀតនោះឡើយ ជាហេតុធ្វើឲ្យអ្នកគាំទ្រពិតជាចាប់អារម្មណ៍លើលោកស្រីខ្លាំង។

ថ្មីៗនេះ Madonna បានចូលរួមកម្មវិធីបង្ហាញម៉ូត Luar Fashion Show នៅឯទីក្រុងញ៉ូវយ៉ក ជាមួយនឹងសម្លៀកបំពាក់ដ៏ឡូយឆាយ គឺរ៉ូបពណ៌សាច់ ច្នៃឡើងដូចអាវគ្រ័រហ្សេ មានឡេវបិទមកចំហៀងខាងឆ្វេង សម្រុងក្រោមជង្គង់ ជាមួយនឹងស្បែកជើងប៊ូតកវែងកែងខ្ពស់ខ្លាំង និងវ៉ែនតាពណ៌ខ្មៅធំ ហើយភាពលេចធ្លោរបស់លោកស្រីនោះគឺសក់ពណ៌ទង់ដែងគាបត្រង់ពុះកណ្ដាល ពិតជាមើលទៅមិនជឿថា លោកស្រីមានវ័យដល់ទៅ ៦៦ឆ្នាំនោះឡើយ៕

ប្រភព៖ pagesix