តុបតែងបែបធម្មតាមែន តែ ហាន់ជីអ៊ុន នៅតែបង្ហាញសម្រស់ស្អាត បែបនេះ

កម្សាន្ត៖ អាចនិយាយបានថា តាំង​ពីប្រឡូកក្នុងវិស័យសិល្បៈ រហូត​មក​ដល់​ពេល​នេះ តារាសម្ដែងស្រី Song Hye Kyo តែង​តែ​បង្ហាញ​ខ្លួន​ក្នុង​បញ្ជី​កំពូល​តារា​កូរ៉េ ពីភាពស្រស់ស្អាត និងការបង្ហាញខ្លួនដ៏គួរឲ្យទាក់ទាញ ដែលនេះតែងតែជាប្រធានបទ ដែលទទួលបានការចាប់អារម្មណ៍យ៉ាងខ្លាំងពីទស្សនិកជន រាល់ពេលដែលនាង បង្ហាញមុខក្នុងកម្មវិធីសាធារណៈ។

យ៉ាង​ណា​មិញ អ្វី​ដែល​ទាក់​ទាញ​ទស្សនិកជន​ខ្លាំង​បំផុត​ គឺ​រូបភាព​របស់ Song Hye Kyo ក្នុង​ជីវិត​ប្រចាំ​ថ្ងៃ ដែលមើលទៅមានភាពខុសគ្នា​ ពីរូបភាពរបស់នាង ក្នុងពេលចូលរួមព្រឹត្តិការណ៍ផ្សេងៗ ដែលមានការតុបតែងខ្លួន ឬម៉ូដសក់ សំលៀកបំពាក់ឆើតឆាយ ។

ថ្មីៗនេះដែរ រូបភាពរបស់ Song Hye Kyo និងក្រុម «Now we are breaking» បានទៅមើលការលេង Rendezvous ដើម្បីគាំទ្រមិត្តជិតស្និទ្ធរបស់នាង Hyo Joo ។ នៅក្នុងរូបថតដែលបានចែករំលែកនោះ Song Hye Kyo បានតុបតែងខ្លួន ស្លៀកពាក់យ៉ាងសាមញ្ញបំផុត ក្នុងឈុតអាវយឺតពណ៌ស រួមជាមួយនឹងខោខូវប៊យ និងវ៉ែនតាថ្លា។ អ្នក​​លេង​អ៊ីនធឺណិត​ជា​ច្រើន​ បាន​លាន់​មាត់សរសើរពីសម្រស់ស្អាត និងក្មេងជាងវ័យ ព្រមទាំងបានលើកឡើង​ថា បើ​មើល Song Hye Kyo បែប​នេះ គ្មាន​អ្នក​ណា​គិត​ទេថា ​នាង​មាន​អាយុ ៤២ ឆ្នាំទៅហើយ​៕

ប្រភព៖ Kenh14

សូមទស្សនារូបភាពខាងក្រោម៖