សង្ស័យបែកគ្នា តែ Jong Suk មកចូលរួមខនសឺតមិត្តស្រី IU ឡើងផ្អែម

កូរ៉េខាងត្បូង៖ ដូចដែលប្រិយមិត្តបានជ្រាបហើយថា តារាសម្ដែងប្រុស Lee Jong Suk និងតារាចម្រៀងនិងសម្ដែងគឺកញ្ញា IU មានទំនាក់ទំនងស្នេហាជាមួយគ្នា ដោយអ្នកទាំងពីរបានបញ្ជាក់ថាបានទាក់ទងគ្នាតាំងពីឆ្នាំ២០២៣ មកម៉្លេះ។

មកទល់ពេលនេះមានរយៈពេលមួយឆ្នាំជាងហើយដែលពួកគេបានទាក់ទងគ្នា ប៉ុន្តែថ្មីៗនេះ មានព័ត៌មានចចាមអារ៉ាមថាស្នេហាអ្នកទាំងពីរបានមកដល់ ផ្លូវបញ្ចប់ហើយ ក្រោយពីឃើញស្ងាត់មួយរយៈ ពុំមានព័ត៌មានឬដំណឹងថាពួកគេចេញដើរជាមួយគ្នា។

យ៉ាងណាមិញ កាលពីយប់ថ្ងៃទី២២ខែកញ្ញាកន្លងទៅ IU បានធ្វើការប្រគុំតន្ត្រីឈ្មោះថា THE WINNING នាទីក្រុងសេអ៊ូល ហើយអ្នកគាំទ្របានឃើញលោក Lee Jong Suk ក៏បានមកលើកទឹកចិត្តមិត្តស្រីដែរ គ្រាន់តែគេបានពាក់ម៉ាសពណ៌សនិងមួកពណ៌ខ្មៅបិទបាំងផ្ទៃមុខ ដែលធ្វើឲ្យអ្នកគាំទ្រមានការធូរទ្រូងជាខ្លាំង គិតថាពួកគេពុំមានបែកបាក់អ្វីទេ គឺនៅតែបន្តរក្សាទំនាក់ទំនងជាគូស្នេហ៍៕

ប្រភព៖ koreaboo