លេងមួយឈុតនេះ Jennie ដូចនារីខោប៊យ ស្អាតមើលសឹងមិនស្គាល់

កូរ៉េខាងត្បូង៖ ដូចដែលប្រិយមិត្តបានជ្រាបហើយថា Jennie ដែលជាសមាជិកក្រុមចម្រៀងនារី BLACKPINK ទើបតែនឹងបញ្ចេញបទចម្រៀងថ្មីមានចំណងជើងថា "Mantra"កាលពីថ្ងៃទី១១ខែតុលាឆ្នាំ២០២៤កន្លងទៅនេះ។ 

ក្នុងនោះ Jennie ក៏បានបង្ហោះរូបភាពនិងសកម្មភាពខាងក្រោយឆាកផ្សេងៗ ទាក់ទងនឹងការថតបទ "Mantra"នេះផងដែរ កាលពីថ្ងៃទី១២កន្លងទៅ ហើយរូបថតពីរសន្លឹកបានទទួលការចាប់អារម្មណ៍ខ្លាំង។ 

រូបភាពនោះបានបង្ហាញឲ្យឃើញថា Jennie តែងខ្លួនដូចនារីខោប៊យ ដោយពាក់អាវក្រឡាឆ្នូតក្រហមស ជាមួយនឹងខោខ្លីកប់ក្រលៀនពណ៌អាចម៍សេះ រឹតដោយខ្សែក្រវាត់ធំៗពណ៌ខ្មៅ និងមួកបែបខោប៊យពណ៌ខ្មៅ ដែលសំខាន់នោះនាងបានបង្អួតក្បាលពោះរាបស្មើ ជាមួយនឹងការតុបតែងមុខបែបទឹកក្រូចៗទៀតផង ធ្វើឲ្យអ្នកគាំទ្របានចូលទៅបញ្ចេញមតិថា Jennie ពិតជាស្រស់ស្អាតខ្លាំង មិនថាតែងខ្លួនបែបណាក៏ដោយ៕

ប្រភព៖ koreaboo