លេងស្ទាយ៍ធម្មតាទេ តែ Rosé នៅតែស្អាតឆ្វាច ដូចនារីអភិជន

កម្សាន្ត៖ Rosé ដែលជាសមាជិកក្រុមចម្រៀងនារី BLACKPINK នៅតែទទួលបានការគាំទ្រយ៉ាងភ្លូកទឹកភ្លូកដី ជាមួយនឹងបទ "APT." ដែលនាងបានច្រៀងរួមគ្នាជាមួយតារាចម្រៀងអាមេរិក លោក Bruno Mars ដែលមកទល់ពេលនេះមានអ្នកចូលស្តាប់ជាងរយលាននាក់ហើយ។

បើនិយាយពីសកម្មភាពលើឆាកតន្ត្រីវិញគឺ បន្ទាប់ពីចូលរួមជាមួយផលិតកម្ម The Black Label រួចមកគឺ Rosé បានប្រកាសថានាងនឹងចេញបទចម្រៀងថ្មីនិងអាល់ប៊ុមថ្មីឈ្មោះថា "rosie" ដែលធ្វើឲ្យអ្នកគាំទ្រមានក្ដីរំភើប រង់ចាំសំឡេងក្រអៅក្រអួនរបស់នាងត្រឡប់មកវិញ។

យ៉ាងណាមិញ ថ្មីៗនេះកាលពីថ្ងៃទី៧ខែវិច្ឆិកាកន្លងទៅ Rosé បានចូលរួមក្នុងកម្មវិធី "Hot Ones" ភាគទី២៥ ដែលនាងបានជជែកពីនេះពីនោះ និងពីសមាជិក BLACKPINK តែអ្វីដែលគេសង្កេតឃើញនោះ គឺការតែងខ្លួនរបស់នាងពិតជាស្រស់ស្អាតនិងលេចធ្លោ។

ក្នុងនោះ Rosé  បានពាក់អាវយឺតពណ៌លឿងខ្ចី ដោយពាក់អាវក្រៅពណ៌ត្នោតខ្ចី និងចងសក់ពណ៌ទង់ដែងនោះលើកឡើងជាកន្ទុយសេះហើយការផាត់មុខទៀតសោត ក៏ស្រាលៗ ដូចកំពុងនៅផ្ទះ ធ្វើឲ្យនាងមើលទៅស្រស់ស្អាតបែបសាមញ្ញ តែជះចំហាយថ្លៃថ្នូរដូចនារីអភិជន៕

ប្រភព៖ allkpop