សង្ស័យអត់លិឍទៀតហើយ! Man UTD កំពុងចង់បានខ្លាំង តែជើងស៊ុត Viktor Gyokeres បែជាចង់ទៅលេងនៅក្លិបយក្សមួយនេះវិញ

បរទេស៖ គោលដៅផ្ទេររបស់ Manchester United និង Arsenal កីឡាករ Viktor Gyokeres ត្រូវបានគេរាយការណ៍ថា រូបគេមិនមានបំណងចង់ផ្លាស់មកកាន់ក្លិបនៅ Premier League នោះទេ ប៉ុន្តែរូបគេគឺពេញចិត្តចង់ទៅចូលរួមជាមួយ Barcelona ជំនួសវិញ។

ជាការពិតណាស់ ដ្បិតបច្ចុប្បន្ន Barcelona មាន Robert Lewandowski ជាខ្សែប្រយុទ្ធជួរមុខរបស់ពួកគេក៏ពិតមែន ប៉ុន្តែខ្សែប្រយុទ្ធសញ្ជាតិ ប៉ូឡូញ រូបនេះ បច្ចុប្បន្នមានវ័យ ៣៦ ឆ្នាំទៅហើយ ហើយកិច្ចសន្យារបស់គាត់ក៏នឹងផុតកំណត់នៅរដូវក្តៅឆ្នាំ ២០២៦ ផងដែរ ដូច្នេះក្រុមមានបុណ្យពេលនេះ កំពុងតែស្វះស្វែងរកខ្សែប្រយុទ្ធកណ្តាលដ៏មានសក្តានុពលម្នាក់ ដើម្បីមកជំនួស Lewandowski រយៈពេលវែង។ 

ថ្មីៗនេះខ្សែប្រយុទ្ធសញ្ជាតិ ស៊ុយអ៊ែត Viktor Gyokeres បានធ្វើឱ្យក្លិបធំៗចាប់អារម្មណ៍ទៅលើរូបគេជាខ្លាំង ក្នុងនោះមានទាំង Man UTD, Arsenal និង Barcelona ជាដើម បន្ទាប់ពីរូបគេស៊ុតបញ្ចូលទី ៣ គ្រាប់ម្នាក់ឯង (hat-trick) ជួយឱ្យ Sporting Lisbon យកឈ្នះក្រុមខ្លាំង Manchester City ៤-១ នៅក្នុងពានរង្វាន់ Champions League។

ទោះបីជាយ៉ាងណាក៏ដោយ សារព័ត៌មាន អេស្ប៉ាញ El Nacional បានចុះផ្សាយថា Viktor Gyokeres គឺមិនចាប់អារម្មណ៍ក្នុងការផ្លាស់ទៅកាន់ក្លិបនៅ អង់គ្លេស នោះទេ ប៉ុន្តែរូបគេគឺចង់ទៅលេងនៅ Barcelona ជំនួសវិញ ដើម្បីចាប់ដៃគូជាមួយខ្សែប្រយុទ្ធកំពុងឡើងជើង Lamine Yamal៕

ប្រភព៖ Sportskeeda