emart24 បន្តពង្រីកហាងដើម្បីឆ្លើយតបនឹងតម្រូវការខ្ពស់ នៃផលិតផលកូរ៉េ នៅក្នុងប្រជាជនកម្ពុជា

ភ្នំពេញ, ថ្ងៃទី១១ ខែវិច្ចិកា​ ឆ្នាំ២០២៤ - emart24 ដែលជាហាងលក់ទំនិញដ៏មានប្រជាប្រិយភាពនៅប្រទេសកូរ៉េ បានពង្រីកសក្តានុពលរបស់ខ្លួន តាមរយៈការបើកសាខាទី៣ ក្នុងតំបន់ CAMKO ដើម្បីឆ្លើយតបនឹងតម្រូវការខ្ពស់​ នៃផលិតផល ទំនិញកូរ៉េ របស់អតិថិជន មិនត្រឹមតែជាការពង្រីកអាជីវកម្មរបស់ខ្លួនតែប៉ុណ្ណោះទេ  តែគឺជាផ្នែកមួយនៃការគាំទ្រសហគមន៍ ក្នុងតំបន់ដើម្បីបន្ថែមនូវជម្រើស អាហារ ភេសជ្ជៈ និងការទិញទំនិញយ៉ាងសម្បូរបែបមកពីប្រទេសកូរ៉េផ្ទាល់នៅក្នុងហាង សម្រាប់តម្រូវការប្រចាំថ្ងៃជូនដល់អតិថិជន។ ការពង្រីកនេះគឺជាសក្ខីភាពមួយ ចំពោះការប្ដេជ្ញាចិត្តរបស់ emart24 ក្នុងការនាំយកនូវវប្បធម៌ និងទំនិញរបស់កូរ៉េដ៏ល្អបំផុតមកកាន់អ្នកប្រើប្រាស់កម្ពុជា។

ភាពពេញនិយមនៃផលិតផលរបស់ប្រទេសកូរ៉េ រួមទាំងអាហារ ភេសជ្ជៈ គ្រឿងសម្អាង និងទំនិញប្រើប្រាស់ក្នុងផ្ទះ បានហក់ឡើងខ្លាំងក្នុងប្រទេសកម្ពុជា។ ការពង្រីកយុទ្ធសាស្ត្ររបស់ emart24 មានគោលបំណងបំពេញតម្រូវការអ្នកប្រើប្រាស់ដែលកំពុងកើនឡើងនេះ ដោយផ្តល់នូវផលិតផលកូរ៉េពិតប្រាកដជាច្រើនប្រភេទ ដែលបំពេញតាមចំណង់ចំណូលចិត្តរបស់អ្នកទិញទំនិញកម្ពុជានាសម័យទំនើបនេះ។

ហាង emart24 ថ្មីនីមួយៗ ត្រូវបានរចនាឡើងដើម្បីផ្តល់ជូននូវបទពិសោធន៍ទិញទំនិញកាន់តែពិសេស ដោយបង្ហាញពីប្លង់ទំនើប ងាយស្រួលជូនអតិថិជន ដែលអាចរំពឹងថានឹងមានបរិយាកាសស្វាគមន៍ សេវាកម្មអតិថិជនដ៏ល្អឥតខ្ចោះ និងការជ្រើសរើសទំនិញផលិតផលកូរ៉េសុទ្ធពីក្នុងហាង ដែលធ្វើឲ្យ emart24 ក្លាយជាគោលដៅទិញទំនិញជាទីពេញចិត្តសម្រាប់អតិថិជន និយមផលិតផលកូរ៉េ។ emart24 ប្តេជ្ញាចិត្តចំពោះគុណភាព និងភាពត្រឹមត្រូវក្នុងការចែកចាយផលិតផលដែលបំពេញតាមស្តង់ដារគុណភាពខ្ពស់ និងភាពត្រឹមត្រូវ។ ការពង្រីកនេះនឹងធានាថា អ្នកប្រើប្រាស់ផលិតផលកូរ៉េនៅកម្ពុជាច្រើនអាចទទួលបានផលិតផលកូរ៉េពិតប្រាកដ សុទ្ធ​ ១០០% បង្កើនបទពិសោធន៍ទិញទំនិញ និងការពេញចិត្តរបស់អតិថិជន។

emart24 មានផែនការប្រកបដោយមហិច្ឆតាសម្រាប់កំណើនតម្រូវការផលិតផលកូរ៉េនៅកម្ពុជាជាបន្តបន្ទាប់នៅក្នុងប្រទេសកម្ពុជា ជាមួយនឹងការបើកហាងបន្ថែមតាមផែនការ នឹងទីតាំងតំបន់សំខាន់ៗដែលនៅក្បែរអតិថិជនបំផុត។ ការពង្រីកជាបន្តបន្ទាប់នេះបញ្ជាក់ពីការយកចិត្តទុកដាក់របស់ emart24 ក្នុងការបម្រើទីផ្សារកម្ពុជា និងពង្រឹងជំហររបស់ខ្លួនជាអ្នកផ្គត់ផ្គង់ផលិតផលកូរ៉េឈានមុខគេ នៅប្រទេសកម្ពុជា។