អង់គ្លេស៖ អ្នកចាត់ការទូទៅក្លិប Manchester City លោក Pep Guardiola បានសម្រេចចិត្តបន្តកិច្ចសន្យាថ្មីក្នុងការបន្តដឹកនាំនៅឯកីឡដ្ឋាន Etihad Stadium រហូតដល់ខែមិថុនា ឆ្នាំ២០២៧។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ លោក Pep បានចូលមកកាន់តំណែងដឹកនាំ Man City តាំងតែពីឆ្នាំ ២០១៦ គិតមកទល់ពេលនេះមានរយៈពេល ៨ឆ្នាំទៅហើយ ខណៈ រូបលោកបានកសាងសមិទ្ធផលជាច្រើនតាមរយៈការជួយក្រុមឈ្នះពានរង្វាន់ធំៗដូចជា Premier League ៦ដង Champions League ម្តង FA Cup ២ដង EFL Cup ៤ដង និង ពានរង្វាន់ផ្សេងៗទៀត។
ក្រោយបន្តកិច្ចសន្យាថ្មីជាមួយ Man City លោក Pep បានមានប្រសាសន៍យ៉ាងដូច្នេះថា៖
Man City ពិតជាមានន័យណាស់សម្រាប់ខ្ញុំ។ នេះជារដូវកាលទី៩ របស់ខ្ញុំជាមួយក្រុម ខ្ញុំមានអារម្មណ៍ល្អជាមួយក្លិបមួយនេះ។ ខ្ញុំសង្ឃឹមថាពួកយើងនឹងអាចបន្ថែមពានរង្វាន់ថ្មីៗជាបន្តទៀត ហើយ វាជាគោលដៅរបស់ខ្ញុំ៕
ប្រភព៖ Manchester City
Bong I.T