អង់គ្លេស៖ អ្នកចាត់ការទូទៅក្លិប Manchester City លោក Pep Guardiola បានលើកឡើងថា លោកនឹងមិនដឹកនាំក្លិបអាជីពណាផ្សេងក្រៅពី ក្រុមមេឃខៀវ ឡើយ នៅពេលណាមួយដែលលោកត្រូវដើរចេញពីកីឡដ្ឋាន Etihad Stadium។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ លោក Pep បានចូលមកកាន់តំណែងដឹកនាំ Man City តាំងតែពីឆ្នាំ ២០១៦ គិតមកទល់ពេលនេះមានរយៈពេល ៨ឆ្នាំទៅហើយ ខណៈ រូបលោកបានកសាងសមិទ្ធផលជាច្រើនតាមរយៈការជួយក្រុមឈ្នះពានរង្វាន់ធំៗដូចជា Premier League ៦ដង Champions League ម្តង FA Cup ២ដង EFL Cup ៤ដង និង ពានរង្វាន់ផ្សេងៗទៀត។
ទាក់ទងនឹងរឿងខាងលើ លោក Pep បាននិយាយថា៖
ខ្ញុំនឹងមិនដឹកនាំក្រុមណាផ្សេងក្រៅពី Man City ឡើយ។ ខ្ញុំមិនចង់និយាយពីអនាគតទេ ប៉ុន្តែ អ្វីដែលខ្ញុំនឹងមិនធ្វើពេលចាកចេញពី Man City គឺ ការដែលដឹកនាំក្រុមផ្សេង នឹងមិនអាចកើតឡើងឡើយ។ វាអាចជាការដឹកនាំក្រុមជម្រើសជាតិ៕
ប្រភព៖ sportskeeda
Bong I.T