ខណៈកំពុងលែងលះស្វាមី Jennifer Lopez លេងឈុតរឹបរាង ចេញមកដើរផ្សារម្នាក់ឯង

អាមេរិក៖ ថ្មីៗនេះប្រិយមិត្តប្រាកដជាបានជ្រាបហើយថា លោកស្រី Jennifer Lopez ដែលជាតារាចម្រៀងអាមេរិកល្បីខាងពូកែបញ្ចេញក្បាច់រាំ កំពុងស្ថិតក្នុងដំណាក់់លែងលះជាមួយស្វាមី Ben Affleck ប៉ុន្តែតុលាការមិនទាន់ប្រកាសថាពួកគេលែងលះដាច់ជាផ្លូវការឡើយ។

ខណៈនោះដែរ Jennifer បានចេញមកប្រើប្រាស់ជីវិតម្នាក់ឯង យ៉ាងសប្បាយរីករាយដោយជារឿយៗ គេតែងតែឃើញនាងចេញមកដើរទិញអីវ៉ាន់ហើយថ្មីៗនេះ Jennifer ត្រូវគេចាប់អារម្មណ៍ក្រោយបានដើរទិញអីវ៉ាន់នៅតំបន់Beverly Hills នារដ្ឋកាលីហ្វ័រញ៉ា។

ក្នុងនោះ Jennifer Lopez បានបង្អួតរាងរៅស្រឡូនស្អាតរបស់លោកស្រី ជាមួយនឹងអាវដៃវែងម៉ាក Dior បែបសាច់ស្បៃ និងស្លៀកខោខោប៊យរឹបជើងប៉ាត់ ព្រមជាមួយនឹងស្បែកជើងកែងពណ៌រាងទឹកដោះគោ និងកាបូប Hermes ម៉ាក Birkin ពណ៌ត្នោត។

Jennifer Lopez ត្រូវបានគេប្រទះឃើញថាដើរចូលហាងនៅ Saks Fifth Avenue ដោយមានអ្នកជួយទិញអីវ៉ាន់ (Personal Shopper) របស់នាងជូនដំណើរ៕

ប្រភព៖ pagesix