រូបភាពថ្មី Selena បង្ហាញភាពស្រស់ស្អាត ហ្វេនៗចាប់អារម្មណ៍ គ្រប់គ្នា ក្រោយ ប្រកាសភ្ជាប់ពាក្យ ជាមួយ គូស្នេហ៍

កម្សាន្ត៖ តារាចម្រៀងស្រី Selena Gomez បានបង្ហាញខ្លួនដ៏គួរឲ្យចាប់អារម្មណ៍ ជាមួយនឹងញញឹមយ៉ាងស្រស់ស្រាយ រីករាយជាមួយអ្នកគាំទ្រ ពេលចូលរួមក្នុងកម្មវិធី បន្ទាប់ពីបានប្រកាសភ្ជាប់ពាក្យជាមួយគូស្នេហ៍។

ក្នុងនោះដែរ តារាចម្រៀងស្រី Selena Gomez បានទៅរោងមហោស្រព Harmony Gold ក្នុងទីក្រុង Los Angeles កាលពីថ្ងៃទី ១៤ ខែធ្នូ ជាមួយសហការីរបស់នាង ដើម្បីផ្សព្វផ្សាយភាពយន្ត Emilia Perez ។ តារាចម្រៀងស្រីរូបនេះ ញញឹមយ៉ាងស្រស់ ហើយគ្រវីដៃទៅកាន់អ្នកគាំទ្រដែលឈរនៅខាងក្រៅ។ ពេលចាកចេញ តារាវ័យ ៣២ ឆ្នាំរូបនេះ បាននៅខាងក្រោយដើម្បីចុះហត្ថលេខា និងថតរូបជាមួយអ្នកគាំទ្រ។

យ៉ាងណាមិញ យោងតាម ​​Mail បានឲ្យដឹងថា Selena បានសម្រេចចិត្ត មិនពាក់ចិញ្ចៀនភ្ជាប់ពាក្យរបស់នាង ទៅចូលរួមកម្មវិធីនោះទេ។ នាង​ទុក​ដៃ​ឆ្វេង​ទទេ ហើយ​ពាក់​ចិញ្ចៀន​អលង្ការ​ដ៏​គួរ​ឱ្យ​ស្រឡាញ់​ នៅ​ដៃ​ស្តាំ។គួររំឮកផងដែរថា កាលពីថ្ងៃទី ១២ ខែធ្នូ Selena Gomez បានធ្វើឱ្យបណ្តាញសង្គម មានភាពភ្ញាក់ផ្អើល នៅពេលដែលនាង បង្ហាញរូបថត ក៏ដូចជាដំណឹងភ្ជាប់ពាក្យរបស់នាង និងគូស្នេហ៍៕

ប្រភព៖ Ngoisao.net

សូមទស្សនារូបភាពខាងក្រោម៖