បរទស៖ ខ្សែប្រយុទ្ធស្លាបរបស់ Real Madrid កីឡាករ Vinicius Jr. បានអះអាងថា បច្ចុប្បន្នគាត់គឺជាកីឡាករល្អបំផុតក្នុងលោក បន្ទាប់ពីគាត់បានឈ្នះពានកីឡាករល្អបំផុត របស់ FIFA (the 2024 FIFA Best Men's Player) កាលពីថ្ងៃ អង្គារ៍ ទី ១៦ យប់មិញនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាការពិតណាស់ មុនទទួលបានឱកាសឈ្នះពាន the 2024 FIFA Best Men's Player នេះ Vinicius បានទទួលពិន្ទុពីការបោះឆ្នោតរបស់អ្នកកាសែត, ប្រធានក្រុមជម្រើសជាតិ និងគ្រូបង្វឹកជម្រើសជាតិចំនួន ៤៨ ពិន្ទុ ខណៈដែលពិន្ទុនេះ គឺឈរនៅលើបេក្ខភាពអ្នកស្ថិតនៅលេខរៀងទី ២ ខ្សែបម្រើ Rodri ចំនួន ៥ ពិន្ទុ។
ក្រោយបានក្លាយជាម្ចាស់ពានមួយនេះ Vinicius បានបង្ហោះសារនៅលើគណនី IG របស់ខ្លួនយ៉ាងដូច្នេះថា៖
ថ្ងៃនេះខ្ញុំសូមផ្ញើសារទៅកាន់ក្មេងប្រុសម្នាក់នោះ ដែលធ្លាប់បានមើលនិមិត្តរូបរបស់គេមួយចំនួនលើកពាននេះ ឥឡូវនេះពេលវេលារបស់គាត់ គឺបានមកដល់ហើយ។ ឬផ្ទុយមកវិញ ពេលវេលារបស់ខ្ញុំបានមកដល់ហើយ។ វាដល់ពេលក្នុងការនិយាយហើយ ថាខ្ញុំគឺជាកីឡាករល្អបំផុតនៅក្នុងពិភពលោក ហើយខ្ញុំបានប្រឹងប្រែងខ្លាំងណាស់ដើម្បីវា៕
ប្រភព៖ Sportskeeda
Bong I.T