៣៤ឆ្នាំហើយ តែកុំមើលសម្រស់ ចាង ស៊ីប៊ីយុ នៅតែស្អាតដូច១៨

កម្សាន្ត៖ ប្រិយមិត្តប្រាកដជាធ្លាប់បានទស្សនារឿងភាគកូរ៉េដ៏ល្បី "អូនជាបេះដូងបង" ឬ You are My Destiny ដែលតួស្រីឈ្មោះថា "ចាង ស៊ីប៊ីយុ" ហើយ។

តួអង្គនេះសម្ដែងដោយកញ្ញា Im Yoona ដែលជាតារាសម្ដែងផងនិងតារាចម្រៀងផង។ កន្លងផុតអស់ជាច្រើនឆ្នាំហើយ Yoona នៅតែបន្តភាពល្បីល្បាញរបស់នាងមិនថាក្នុងវិស័យចម្រៀងឬ ភាពយន្ត ខណៈដែលនាងត្រូវបានគេលើកសរសើរ ក៏ដូចជាយកគម្រូតាម ព្រោះអត្តចរិតគួរឲ្យស្រលាញ់ និងមានសុជីវធម៌របស់នាង។

ថ្មីៗនេះ Yoona បានបង្ហាញមុខនៅក្នុងកម្មវិធីរបស់ Hyoyeon ជាសមាជិករួមក្រុម Girls' Generation គឺ "Hyo's Level Up" ហើយសម្រស់របស់នាងត្រូវបានគេលើកយកមកជជែកថា នៅតែស្រស់ស្អាតនិងក្មេងជាងវ័យ ដូចកាលនាងសម្ដែងរឿងភាគ អូនជាបេះដូងបង នេះដែរ បើទោះបីជាពេលនេះ នាងមានអាយុ៣៤ឆ្នាំហើយក៏ដោយ៕  

ប្រភព៖ allkpop