អស់ទាស់ហ្មង! Son យប់មិញលើកជ្រុងបញ្ចូលទីសឹងមិនគួរឱ្យជឿ ជួយឱ្យ Spurs ឈ្នះ Man UTD ៤-៣(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ២០ ខែ ធ្នូ នេះក្រុម Tottenham Hotspur បានបើកទ្វាកីឡដ្ឋាន Tottenham Hotspur របស់ខ្លួន ទទួលស្វាគម៍ក្រុមភ្ញៀវ Manchester United នៅក្នុងការប្រកួតវគ្គ ៨ ក្រុមចុងក្រោយនៃពានរង្វាន់ EFL Cup (Carabao Cup)។

ជាការពិតណាស់ នៅក្នុងការប្រកួតរវាងក្រុមខ្លាំងទាំង ២ ពិតជាតានតឹងមែនទែន ប៉ុន្តែជារួមខាងក្រុមម្ចាស់ផ្ទះ Spurs ហាក់ធ្វើបានល្អជាង ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុម Man UTD ក្នុងលទ្ធផល ៤-៣ ដណ្តើមកៅអីឡើងទៅកាន់វគ្គពាក់កណ្តាលផ្តាច់ព្រ័ត្រជាផ្លូវការ។

ក្នុងនោះ ៤ គ្រាប់របស់ Spurs គឺរកបានដោយកីឡាករ Dominic Solanke ២ គ្រាប់នៅនាទីទី ១៥ និង ៥៤ ចំណែក ២ គ្រាប់ទៀត គឺរកបានដោយ Dejan Kulusevski នៅនាទីទី ៤៦ និង Son Heung-min នៅនាទីទី ៨៨។ រីឯ ៣ គ្រាប់របស់ Man UTD វិញ គឺរកបានដោយ Joshua Zirkzee នៅនាទីទី ៦៣, Amad Diallo នៅនាទីទី ៧០ និង Jonny Evans នៅនាទីទី ៩០+៤។

គួរបញ្ជាក់ថា ប្រកួតបន្ទាប់ក្នុងវគ្គពាក់កណ្តាលផ្តាច់ព្រ័ត្រ Spurs នឹងត្រូវជួបជាមួយក្រុមខ្លាំង Liverpool ដោយជើងទី ១ នឹងធ្វើឡើងនៅថ្ងៃទី ៨ ខែ មករា ឆ្នាំ ២០២៥ និងជើងទី ២ នឹងធ្វើឡើងនៅថ្ងៃទី ៥ ខែ កុម្ភៈ ឆ្នាំ ២០២៥។

សូមទស្សនាវីដេអូខាងក្រោម៖