ឡូយណាស់! អតិថិជនសរសើរ គោជល់ចែករង្វាន់មិនចេះស្ងាត់ ឯរសជាតិ ដឹងតែមិនអាចប្តូរចិត្តអតិថិជនបានទៀត!

ភ្នំពេញ៖ ឡូយណាស់! អតិថិជនទទួលរង្វាន់មិនទាន់ស្ងាត់ផង គោជល់ បើកព្រឹត្តិការណ៍ចែករង្វាន់យ៉ាងគគ្រឹកគគ្រេង នាថ្ងៃអាទិត្យ ទី22 ខែធ្នូ ឆ្នាំ2024 នៅផ្សារទំនើប ខេ ម៉ល វ៉េងស្រេង ដែលផ្តល់ភាពភ្ញាក់ផ្អើល និងភាពសប្បាយរីករាយ​ ក្នុងពេលផ្តល់រង្វាន់ធំៗមិនកំណាញ់ចែករង្វាន់ដល់អតិថិជនឡើយ គ្រាន់តែទិញ គោជល់ 3កំប៉ុង នឹងមានឱកាសឈ្នះរង្វាន់ទ្វេដង ពីកម្មវិធីគោជល់ ផ្គុំ3 + ចម្រុះក្រវិលកំប៉ុង 3  រង្វាន់សរុប 2,415,000,000៛ ។ ជាមួយនឹងវេទិកាប្រគំតន្ត្រីកន្ត្រាក់អារម្មណ៍ និងកម្មវិធីហ្គេមកម្សាន្តសប្បាយៗ នៅទីតាំងកម្មវិធីមានអ្នកចូលរួមយ៉ាងច្រើនកុះករ តាំងពីព្រឹករហូតដល់ល្ងាច ជាពិសេសក្នុងពេលចាប់រង្វាន់ និងប្រគល់រង្វាន់ ដែលសំឡេងហ៊ោខ្លាំងៗអបអរអ្នកឈ្នះរង្វាន់បានបន្លឺឡើងដោយភាពរំភើបរីករាយ ដោយ គោជល់ បានប្រគល់រង្វាន់ដល់អ្នកឈ្នះរង្វាន់ម៉ូតូ 1 គ្រឿង ឈ្នះលុយសុទ្ធ 10លានរៀល ចំនួន 4 នាក់ និងស្វែងរកឃើញអ្នកឈ្នះរង្វាន់បន្តោងខ្សែកមាស ចំនួន 100 រង្វាន់ភ្លាមៗនៅថ្ងៃនោះ រួមជាមួយអ្នកឈ្នះរង្វាន់ពិសេសៗជាច្រើនទៀត។

ដូចដែលអតិថិជនបានដឹង គោជល់ ចែករង្វាន់ធំៗញឹកសន្ធឹកសន្ធាប់ ហើយជាភេសជ្ជៈប៉ូវកម្លាំង ដែលមានកេរ្តិ៍ឈ្មោះល្បីល្បាញច្រើនឆ្នាំ រសជាតិឆ្ងាញ់មិនដែលធ្វើឱ្យអតិថិជនផ្លាស់ប្ដូរចិត្ត សម្បូរដោយវីតាមីនខ្ពស់ បង្កើនស្មារតី បន្ថែមថាមពលដ៏អស្ចារ្យ ដែលគុណប្រយោជន៍នេះហើយដែលនាំឱ្យ អ្នកនាង ឆន ធារី អាយុ 35ឆ្នាំ ជាម្ចាស់អកកាដង់កម្មវិធីចល័ត និងជាអ្នកចម្រៀងម្នាក់ មានឱកាសឈ្នះរង្វាន់លុយសុទ្ធ 10លានរៀល ក្នុងខែធ្នូនេះ ដែលអ្នកនាងអរផង ភ័យផង មិនធ្លាប់ជួបឡើយ នេះជាលើកទីមួយក្នុងជីវិត ហើយអ្នកនាងហ៊ោអបអរជាមួយក្រុមការងារយ៉ាងសប្បាយរីករាយ និងប្រាប់ថា អ្នកនាងធ្លាប់តែឃើញគេឈ្នះ តែឥឡូវនេះគឺដូចទេវតាប្រទាន មានតែអរគុណដល់គោជល់ផ្តល់សំណាងធំនេះដល់នាង ហើយប្រាក់រង្វាន់នេះ។

លោកគៀត គីម ជាមន្ត្រីនគរបាលមកពីខេត្តកំពុងឆ្នាំង បានប្រាប់ថា “ខ្ញុំតែងតែរក្សាទុកក្រវិលកំប៉ុងគោជល់ទុកជារៀងរាល់ពេលដែលខ្ញុំពិសាគោជល់ តែចម្លែកអីនៅដើមខែធ្នូនេះ ខ្ញុំពិសា ២ កំប៉ុង ស្រាប់តែកំប៉ុងទី 2 គាស់មកគឺផ្នែកទី 3 នៃម៉ូតូដែលមានរូបរាងជាសោរម៉ូតូ លោករំភើបខ្លាំង ហើយខលប្រាប់អ្នកផ្ទះថាលោកឈ្នះម៉ូតូមួយគ្រឿងពីគោជល់ រំភើបដល់អ្នកផ្ទះទៀត ដោយនឹកថានឹងបានម៉ូតូថ្មីសម្រាប់កូនៗធ្វើដំណើរទៅសាលារៀន” ។

បន្ថែមពីនេះទៀត ក្រុមហ៊ុនគោជល់ក៏ាបានធ្វើការច្រគល់រង្វាន់បន្តោងខ្សែកមាសជូនអ្នកឈ្នះកាលពីការចាប់រង្វាន់វគ្គមុន។ បងស្រីគង់ វ៉ាន់សុភា ជាអតិថិជនសំណាងដែលឈ្នះបន្តោងខ្សែកមាសពីគោជល់ បាននិយាយថា គាត់សឹងតែនឹកស្មានមិនដល់ថាគាត់នឹងមានឪកាសឈ្នះរង្វាន់ពីគោជល់បែបនេះ ស្រាប់តែថ្ងៃនៃការចាប់រង្វាន់គាត់បានទស្សនាការផ្សាយផ្ទាល់របស់គោជល់នៅលើហ្វេសប៊ុកផេក ស្រាប់តែលឺពិធីករប្រកាសឈ្មោះគាត់ និយាយពីអរនោះអរ ប្រាប់អ្នកផ្ទះផង អ្នកជិតខាងផង។

ក្នុងឱកាសនោះដែរ លោកលី ប៊ុនហុង តំណាងក្រុមហ៊ុន គោជល់ ប្រចាំរាជធានីភ្នំពេញ បានដឹងឱ្យថា កម្មវិធីប្រូម៉ូសិន គោជល់ ផ្គុំ3 + ចម្រុះក្រវិលកំប៉ុង 3  រង្វាន់សរុប 2,415,000,000៛ បានចាប់ផ្តើមតាំងពីដើមឆ្នាំ 2024 ហើយនឹងត្រូវបញ្ចប់នៅថ្ងៃទី31 ខែធ្នូ ឆ្នាំ2024 នេះហើយ ដែលជាលទ្ធផលគឺគោជល់បានចែករង្វាន់អស់តែម្តង ដែលនេះជាហេតុមានការសំណុំពរពីអតិថិជនដើម្បីឪ្យក្រុមហ៊ុន គោជល់នៅតែបន្តចែករង្វាន់បន្ថែមទៀតនៅឆ្នាំក្រោយៗ។  

លោក លោកលី ប៊ុនហុង ពញ្ញាក់អារម្មណ៍ទៀតថា ខែធ្នូចុងឆ្នាំនេះ កាន់តែមានឱកាសឈ្នះខ្ពស់ ជាមួយក្រវិលកំប៉ុងសំណាងគោជល់ ផ្គុំក្រវិលកំប៉ុង 3 ឈ្នះពិតៗ ដែលគោជល់ នឹងត្រូវបន្តបេសកកម្មចែករង្វាន់ម៉ូតូ លុយសុទ្ធ និងបន្តោងខ្សែកមាស យ៉ាងច្រើនទៀត រហូតដល់ចុងខែធ្នូ ឆ្នាំ2024 នេះប៉ុណ្ណោះ។

ទម្រាំដល់ដាច់ឆ្នាំនេះ រង្វាន់នៅមានច្រើន ចាំអីទៀត រួសរាន់ទិញគោជល់ ដើម្បីផ្សងសំណាងឈ្នះរង្វាន់ធំៗយ៉ាងច្រើន រង្វាន់សរុប 2,415,000,000៛ ។ ក្រុមហ៊ុនក៏បានជូនដំណឹងដល់អតិថិជនទូទាំងប្រទេសឱ្យបានដឹងថា រាល់ការគាស់ក្រវិលកំប៉ុង3 ហើយផ្គុំឈ្នះរង្វាន់ធំណាមួយហើយ សូមប្រញាប់ជូនដំណឹងដល់ក្រុមហ៊ុនឱ្យបានដឹងមុនថ្ងៃទី01 ខែមករា ឆ្នាំ2025 សម្រាប់អ្នកឈ្នះរង្វាន់ដែលបានជូនដំណឹងទាន់ពេល ក្រុមហ៊ុននឹងប្រគល់រង្វាន់នៅក្នុងឆ្នាំថ្មី តាមពេលវេលាសមរម្យ។

ភាពរំភើបរីករាយដែលកើតឡើងពីការទិញគោជល់ពិសា ទទួលបានទាំងរសជាតិឈ្ងុយឆ្ងាញ់ ផ្តល់នូវថាមពលជំរុញដ៏ខ្លាំងក្លា ជាមួយនឹងភាពរំភើបដ៏ពិសេស រាល់ពេលអ៊ុតមើលក្រវិលកំប៉ុងគោជល់ អ្នកនឹងមានសំណាងក្លាយជាអ្នកឈ្នះមហារង្វាន់ ពីគោជល់។

អំពីក្រុមហ៊ុន TCP Group

TCP Group គឺជាក្រុមហ៊ុនភេសជ្ជៈ និងអាហារឈានមុខគេក្នុងប្រទេសថៃ និងជាម្ចាស់ម៉ាកភេសជ្ជៈប៉ូវកម្លាំងដ៏ល្បីល្បាញបំផុតរបស់ពិភពលោក “គោជល់” ជាមួយគ្រួសារ Yoovidhya ដែលត្រូវបានគេស្គាល់ថាជា "ក្រុមហ៊ុននៃម៉ាកផលិតផលដ៏អស្ចារ្យ" ក្រុមហ៊ុនមានផលប័ត្រផលិតផលចម្រុះ និងសកម្មនៅក្នុងទីផ្សារចំនួន 15 នៅអាស៊ី ដែលមានបុគ្គលិកជាង 5,000 នាក់នៅទូទាំងពិភពលោក។ នៅក្នុងប្រទេសថៃ ក្រុមហ៊ុនក៏ទទួលបានភាពជោគជ័យពីការចែកចាយរបស់ខ្លួន OEM អាជីវកម្មម៉ាស៊ីនលក់ទំនិញ និងសេវាកម្មធ្វើឱ្យទីផ្សារសកម្ម។