ចុមយក្ស! Neymar បានចុចឈ្មោះ ៥ នាក់នេះ ថាជាកីឡាករកំពូលក្នុងលោក តែគ្មានកីឡាករប្រេស៊ីលសូម្បីម្នាក់

បរទេស៖ ខ្សែប្រយុទ្ធឆ្នើម Neymar Jr. ដែលបច្ចុប្បន្នកំពុងលេងនៅ Al-Hilal ធ្លាប់ត្រូវបានគេឱ្យជ្រើសរើសកីឡាករបាល់ទាត់ ៥ នាក់ ដែលគាត់គិតថាជាកីឡាករកំពូលក្នុងលោកកាលពីឆ្នាំ ២០២០ កន្លងទៅ ហើយគាត់ក៏បានឆ្លើយតបទៅវិញ ដោយមិនលាក់លាមផងដែរ ប៉ុន្តែរឿងដែលភ្ញាក់ផ្អើលបំផុតគឺគ្មានឈ្មោះកីឡាករ ប្រេស៊ីល សូម្បីតែម្នាក់។

ក្នុងចំណោមកីឡាករទាំង ៥ នាក់ ដែល Neymar បានជ្រើសរើស ក្នុងនោះរួមមានអតីតមិត្តរួមក្រុមនៅ Barcelona កីឡាករ Luis Suarez និង Lionel Messi និងអតីតមិត្តរួមក្រុមនៅ PSG កីឡាករ Kylian Mbappe។ ចំណែក ២ នាក់ទៀត គឺមានវីរបុរស Chelsea លោក Eden Hazard និង Paul Pogba។

យ៉ាងណាមិញ ចំពោះការជ្រើសរើសនេះ អាចថាជារឿងភ្ញាក់ផ្អើលដែរ ព្រោះថា Neymar គាត់ជាកីឡាករម្នាក់ ដែលមានដើមកំណើតមកពី ប្រេស៊ីល ហើយស្របពេលកីឡាករ ប្រេស៊ីល ក៏មានកីឡាករឆ្នើមៗជាច្រើន ប៉ុន្តែផ្ទុយទៅវិញ គឺមិនបានជ្រើសរើសសូម្បីម្នាក់ឡើយ៕

ប្រភព៖ Sportskeeda