បរទេស៖ ខ្សែប្រយុទ្ធ Cristiano Ronaldo បានធ្វើការរិះគន់ចំៗទៅលើពានរង្វាន់ Ballon d'Or ក្នុងឆ្នាំ ២០២៤ ថាវាមិនសុក្រឹត្យអយុត្តិធម៌នោះទេ ដែលពួកគេមិនបានផ្តល់ពានរង្វាន់មួយនេះទៅឱ្យខ្សែប្រយុទ្ធស្លាបរបស់ Real Madrid កីឡាករ Vinicius Jr.។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Ronaldo បានលើកឡើងដូចខាងលើ បន្ទាប់ពីគាត់បានឈ្នះពាន Globe Soccer Awards កាលពីយប់មិញ ក្នុងនាមជាកីឡាករល្អបំផុតប្រចាំតំបន់មជ្ឃឹមបូព៌ាក្នុងឆ្នាំ ២០២៤ ហើយជាមួយគ្នានេះ គាត់ក៏បានសង្កត់ធ្ងន់ផងដែរ ថាដោយសារតែមូលហេតុខាងលើនេះហើយ ទើបគាត់ស្រឡាញ់ពាន Globe Soccer របស់ អារ៉ាប់ នេះជាងពាន Ballon d'Or។
ទាក់ទងនឹងរឿងខាងលើ, Ronaldo បានលើកឡើងយ៉ាងដូច្នេះថា៖
Vinicius Jr. គួរតែឈ្នះពាន Ballon d'Or។ វាគឺជាការសម្រេចចិត្ត ដែលមិនយុត្តិធម៌។ នេះហើយជាមូលហេតុ ដែលខ្ញុំស្រឡាញ់ពាន Globe Soccer ជាង ព្រោះពាននេះគឺសុក្រឹត្យយុត្តិធម៌។
ជាមួយគ្នានេះ Ronaldo បានលើកឡើងបន្តទៀតថា៖
ពួកគេបានផ្តល់ពាន Ballon d'Or ឱ្យទៅ Rodri។ មែនទែនទៅគាត់ក៏សក្តិសមផងដែរ... ប៉ុន្តែពាននេះគួរតែឱ្យទៅ Vinicius ជាង ព្រោះគាត់គឺបានឈ្នះពាន UCL ហើយបានស៊ុតបញ្ចូលទីនៅវគ្គផ្តាច់ព្រ័ត្រពាន UCL ថែមទៀត។
គួររម្លឹកថា ពាន Ballon d'Or ២០២៤ គឺបានទៅលើខ្សែបម្រើរបស់ Manchester City និង អេស្ប៉ាញ កីឡាករ Rodri ចំណែក Vinicius វិញ គឺបានស្ថិតនៅលេខរៀងទី ២ ប៉ុណ្ណោះ៕
ប្រភព៖ Fabrizio Romano
Bong I.T