ញាក់សាច់! Lamine Yamal ឡើងមកឈរលេខ ៣ ជាកីឡាករមានតម្លៃខ្លួនថ្លៃបំផុតក្នុងលោក ចុះអ្នកណាឈរលេខ ១ និងលេខ ២

បរទេស៖ ខ្សែប្រយុទ្ធរបស់ក្រុមអ្នកមានបុណ្យ FC Barcelona កីឡាករ Lamine Yamal បានហក់មកឈរនៅលេខរៀងទី ៣ ហើយ ក្នុងនាមជាកីឡាករដែលមានតម្លៃខ្លួនថ្លៃជាងគេបំផុតក្នុងលោកនាពេលបច្ចុប្បន្ន ដោយបច្ចុប្បន្នរូបគេមានវ័យទើបតែ ១៧ ឆ្នាំប៉ុណ្ណោះ ខណៈ Erling Haaland ខ្សែប្រយុទ្ធរបស់ Manchester City ឈរនៅលេខរៀងទី ១ និង Vinicius Jr. ឈរនៅលេខរៀងទី ២។ 

យោងតាមស្ថិតិដែលដកស្រង់ចេញពី Transfer Markt គឺ Eling Haaland ឈរនៅលេខ ១ មានតម្លៃខ្លួនចំនួន ២០០ លានអឺរ៉ូ ឬប្រមាណជា (២០៨.៥ លានដុល្លារអាមេរិក) ចំណែក Vinicius Jr. ឈរនៅលេខ ២ មានតម្លៃខ្លួននៅលើទីផ្សារចំនួន ២០០ លានអឺរ៉ូ ឬប្រមាណជា (២០៨.៥ លានដុល្លារអាមេរិក) ដូចគ្នា។

ដោយឡែក Lamine Yamal វិញ គឺឈរនៅលេខរៀងទី ៣ មានតម្លៃខ្លួនស្មើគ្នាជាមួយ Jude Bellingham ដែលឈរនៅលេខរៀងទី ៤ ផងដែរ គឺចំនួន ១៨០ លានអឺរ៉ូ ឬប្រមាណជា (១៨៧.៧ លានដុល្លារអាមេរិក)។ រីឯ Kylian Mbappe វិញឈរនៅលេខរៀងទី ៥ មានតម្លៃខ្លួន ១៦០ លានអឺរ៉ូ ឬប្រមាណជា (១៦៦.៨) លានដុល្លារអាមេរិក)៕

ប្រភព៖ Transfer Markt