Ariana Grande ចេញមកបណ្ដើរមិត្តប្រុស យ៉ាងផ្អែមល្ហែម មិនខ្វល់ពីពាក្យរិះគ»-ន់ថានាងស្គ»-មខ្លាំ»-ង

កម្សាន្ត៖ តារាចម្រៀងស្រីអាមេរិកដ៏ល្បីឈ្មោះ Ariana Grande បានបង្ហាញភាពផ្អែមល្ហែមជាមួយនឹងមិត្តប្រុសរបស់នាងគឺលោក Ethan Slater ក្នុងកម្មវិធី National Board of Review ឆ្នាំ២០២៥ នៅឯទីក្រុងញ៉ូវយ៉ក សហរដ្ឋអាមេរិក កាលពីយប់ថ្ងៃទី៨ខែមករាកន្លងទៅនេះ។

ក្នុងនោះ Ariana បានតុបតែងខ្លួនយ៉ាងស្រស់ស្អាតដូចជាព្រះនាងម្ចាស់ដ៏ទន់ភ្លន់ ជាមួយនឹងរ៉ូបពណ៌ផ្កាឈូកស្រាល វាលខ្នង សម្រុងត្រឹមកជើង ដោយមានស្បៃពាក់នឹងដៃផងដែរ ខណៈដែល Ethan Slater ស្លៀកឈុតអាវធំពណ៌ខ្មៅគូជាមួយអាវសឹមីបុរសពណ៌ស។

Ariana ដែលបានតុបតែងមុខស្រាលៗស្ទាយ៍ទន់ភ្លន់និងលើកសក់ទង់ដែងនាងចងឡើងជាកន្ទុយសេះបានថតរូបជាមួយនឹងមិត្តប្រុសដោយផ្អឹបថ្ពាល់ជិតគ្នា ហើយអ្នកទាំងពីរមើលទៅសប្បាយរីករាយណាស់ ដោយ Ethan ក៏បានឱបចង្កេះតារាចម្រៀងស្រីរូបនេះដែលធ្វើឲ្យទស្សនិកជន កោតសរសើរថាចំណងស្នេហ៍អ្នកទាំងពីរនៅតែរឹងមាំ។ គួរបញ្ជាក់ផងដែរថា Ariana Grande បានលែងលះស្វាមី Dalton Gomez កាលពីឆ្នាំ២០២៣ និងបានទាក់ទង Ethan Slater តាំងពីពេលនោះមក៕

ប្រភព៖ pagesix