ល្អអីល្អយ៉ាងនេះ! Gavi បញ្ជូនចោះឱ្យ Lamine Yamal ស៊ុតមួយគ្រាប់ល្អដូចផ្កា ខណៈ Barca លត់ Athletic Bilbao ២-០(មានវីដេអូ)

បរទេស៖ នាយប់រំលងអាធ្រាត្រឈានចូលថ្ងៃទី ៩ ខែ មករា ឆ្នាំ ២០២៥ នេះ ក្រុម Athletic Bilbao បានជួបតទល់គ្នាជាមួយក្រុមអ្នកមានបុណ្យ FC Barcelona នៅកីឡដ្ឋាន King Abdullah Sports City ក្នុងប្រទេស អារ៉ាប៊ីសាអ៊ូឌីត នៅក្នុងការប្រកួតវគ្គពាក់កណ្តាលផ្តាច់ព្រ័ត្រនៃពានរង្វាន់ Spanish Super Cup។

ជាការពិតណាស់ នៅក្នុងការប្រកួតនោះ ខាងក្រុម Barcelona ពិតជាធ្វើបានល្អមែនទែន ដោយបញ្ចប់ការប្រកួត ៩០ នាទីពេញ ពួកគេបានយកឈ្នះលើក្រុម Athletic Bilbao ក្នុងលទ្ធផល ២ ទល់នឹង ០។

ក្នុងនោះ ២ គ្រាប់របស់ Barcelona គឺរកបានដោយខ្សែបម្រើ Gavi នៅនាទីទី ១៧ និងមួយគ្រាប់ទៀតរកបានដោយ Lamine Yamal នៅនាទីទី ៥២។

គួរបញ្ជាក់ថា ក្រោយជ័យជម្នះនេះបានធ្វើឱ្យ Barcelona កក់កៅអីឡើងទៅកាន់វគ្គផ្តាច់ព្រ័ត្រនៃពានរង្វាន់ Spanish Super Cup ជាផ្លូវការហើយ ខណៈគូប្រកួតដែលពួកគេនឹងត្រូវជួបនៅថ្ងៃចន្ទ ទី ១៣ ខែ មករា គឺត្រូវរង់ចាំការប្រកួតនៅយប់នេះរវាង Real Madrid និង Mallorca សិន។

សូមទស្សនាវីដេអូហាយឡាយខាងក្រោម៖