កម្សាន្ត៖ តារាសម្តែង Song Hye Kyo បានបង្ហាញខ្លួន ក្នុងកម្មវិធី 'You Quiz on the Block' របស់ tvN កាលពីពេលថ្មីៗនេះ ហើយបានចែករំលែកអំពីជីវិត និងអារម្មណ៍បច្ចុប្បន្នរបស់នាង ដែលធ្វើឲ្យហ្វេនៗជាច្រើន មានការចាប់អារម្មណ៍យ៉ាងខ្លាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យោងតាម Nate បានឲ្យដឹងថា តារាសម្ដែងស្រី Song Hye Kyo បានទាក់ទាញអ្នកទស្សនា ជាមួយនឹងវិធី និយាយយ៉ាងស្ទាត់ជំនាញ និងស្មោះត្រង់របស់នាង នៅពេលដែលបានបង្ហាញខ្លួន នៅក្នុងកម្មវិធីជជែកពិភាក្សាជាលើកដំបូង បន្ទាប់ពីអវត្តមានអស់រយៈពេល ២៣ ឆ្នាំ។
នៅក្នុងកម្មវិធីជជែកនោះ តារាស្រីរូបនេះ បានចែករំលែកអំពីជីវិតជា អ្នកសិល្បៈ ក្នុងនាមជាតារាកំពូលម្នាក់ អស់រយៈពេល ២៨ ឆ្នាំចាប់តាំងពីការបង្ហាញខ្លួនដំបូងរបស់នាង។ នាងបានបង្ហាញពីបទពិសោធន៍របស់នាងក្នុងវ័យ ២០ ឆ្នាំរបស់នាង នៅពេលដែលនាងរីករាយនឹងអ្វីៗគ្រប់យ៉ាងដោយមានទំនុកចិត្ត អាកប្បកិរិយាវិជ្ជមាន រហូតដល់ដំណាក់កាល នៃការស្តីបន្ទោសខ្លួនឯង និងមានអាថ៌កំបាំងក្នុងការយកឈ្នះវា។
Song Hye Kyo បានសារភាពថា នាងមិនមានទេពកោសល្យក្នុងការសម្ដែងទេ ដោយបាននិយាយថា «ការងារជោគជ័យដំបូងរបស់ខ្ញុំ គឺភាពយន្តមនោសញ្ចេតនាផ្លូវចិត្ត។ នៅឆ្នាំបន្តបន្ទាប់ ខ្ញុំគ្រាន់តែដើរតួស្រដៀងគ្នា ។ ទោះបីជាខ្ញុំ ទទួលបានក្តីស្រឡាញ់ច្រើនពីទស្សនិកជនក៏ដោយ តែនៅក្នុងពេលខ្លះមុនពេល រឿង "The Glory" មនុស្សជាច្រើន ចាប់ផ្ដើមធុញនឹងការសម្ដែងរបស់ខ្ញុំ ហើយខ្ញុំក៏គិតថា ខ្ញុំសម្ដែងតាមទម្លាប់ ខ្ញុំធុញនឹងការមើលខ្លួនឯង ទុកឲ្យទស្សនិកជនមើលតែឯង»។ ហើយតារាសម្តែងរូបនេះបានសួរខ្លួនឯងថា «ហេតុអ្វីបានជាធ្វើបែបនេះ? ហេតុអ្វីបានជាមិនផ្លាស់ប្តូរ?» នាងបាននិយាយថា «ខ្ញុំតែងតែឃើញ តែរឿងដែលខ្ញុំ ធ្វើមិនបានល្អ»។
យ៉ាងណាមិញ Song Hye Kyo បានដឹងពីការផ្លាស់ប្តូរនៅក្នុងជីវិតរបស់នាងថា «នៅពេលដែលខ្ញុំគិតអំពីអ្វីមួយ នៅពេលដែលខ្ញុំប្រាថ្នាចង់បានអ្វីមួយខ្លាំងពេក វាតែងតែមិនមករកខ្ញុំ ខ្ញុំមានការខកចិត្តយ៉ាងខ្លាំង។ ប៉ុន្តែ ពេលខ្លះ ខ្ញុំបានប្រាប់ខ្លួនឯងថា កុំលោភលន់ ទុកវាចោលទៅ បើវាជារបស់ខ្ញុំ វានឹងមករកខ្ញុំ ខ្ញុំមិនស្ដាយអតីតកាលទៀតទេ។ ចំណែកភាពស្រ្តី ភាពជាតារាសម្ដែងវិញ ខ្ញុំធ្លាប់មានពេលសប្បាយ ពេលអាក្រក់ គ្រាឈឺចាប់ ប៉ុន្តែនោះមិនមែនជាជីវិតទេមែនទេ? ប្រហែលជា ការពិបាកកាលពីពេលនោះហើយ ប៉ុន្តែឥឡូវនេះ ខ្ញុំគិតថាខ្ញុំបានសិក្សាបានល្អ ដើម្បីឈានទៅមុខឲ្យបានល្អជាងនេះ»៕
ប្រភព៖ Ngoisao.net
សូមទស្សនារូបភាពខាងក្រោម៖
Bong I.T