ចូលរួមសោកស្ដាយ! តារាស្រីតួក្នុងរឿង "Extraordinary Attorney Woo" បានទទួលមរណភាព ដោយសារជំងឺមហារីក

កូរ៉េខាងត្បូង៖ សារព័ត៌មានកូរ៉េបានចុះផ្សាយថា តារាសម្ដែងស្ត្រីវ័យចំណាស់ Kang Myung Soo ដែលបានចូលរួមសម្ដែងក្នុងរឿងភាគ "Extraordinary Attorney Woo" បានទទួលមរណភាពនាថ្ងៃទី២៧ខែកុម្ភៈ ឆ្នាំ២០២៥ កន្លងទៅ។

មូលហេតុនៃការទទួលមរណភាពរបស់តារាស្រីម្នាក់នេះ គឺគាត់បានកើតជំងឺមហារីក ខណៈដែលពេលស្លាប់ គាត់មានអាយុ៥៤ឆ្នាំ ដែលដំណឹងនេះត្រូវបានប្រកាសឡើងដោយកូនស្រីរបស់គាត់ ដែលជាតារាសម្ដែងដូចគ្នាឈ្មោះថា Park Se Young ។

ពិធីបុណ្យសពរបស់លោកស្រីនឹងត្រូវរៀបចំឡើងនៅមន្ទីរពេទ្យ Seoul St.Mary នាថ្ងៃទី២ខែមីនាខាងមុខនេះ ដោយកូនស្រីរបស់គាត់បានស្នើសុំឲ្យអ្នកគាំទ្រចងចាំលោកស្រីក្នុងនាមជាតារាសម្ដែងម្នាក់។

គួរបញ្ជាក់ថា ក្នុងរឿង "Extraordinary Attorney Woo" លោកស្រី Myung Soo បានដើរតួចៅក្រមមួយរូប៕  

ប្រភព៖ koreaboo