រូបភាព​មុន និងក្រោយ រញ្ជួយដី នៅមីយ៉ាន់ម៉ា ដែលបានបំផ្លាញទីតាំងទេសចរណ៍ធំៗ

មីយ៉ាន់ម៉ា៖ គ្រោះរញ្ជួយដី ដែលមិនធ្លាប់មាន បានវាយប្រហារ បណ្ដាលឲ្យបំផ្លាញផ្ទះប្រជាពលរដ្ឋ សំណង់អគារតូចធំជាច្រើន ពិសេសបានបំផ្លាញទីតាំងទេសចរណ៍ដ៏សំខាន់របស់ប្រទេសនេះ។ មិនតែប៉ុណ្ណោះ គ្រោះរញ្ជួយដីដែលកំពុងកើតឡើង បានឆក់យកជីវិតប្រជាជនជាបន្ទាប់ គិតមកដល់ពេលនេះគឺ ស្លាប់ចំនួន១៧០០នាក់ រងរបួសជាង៣៤០០នាក់ និងកំពុងបាត់ខ្លួនចំនួនជាង៣០០នាក់។ 

ការរញ្ជួយដីដែលមានចំណុចកណ្តាលនៅជិត Mandalay បានធ្វើឱ្យអគារជាច្រើនដួលរលំ និងខូចខាតហេដ្ឋារចនាសម្ព័ន្ធសំខាន់ៗ រួមទាំងអាកាសយានដ្ឋានក្នុងទីក្រុងផងដែរ។ ជាមួយគ្នានោះ កិច្ចខិតខំប្រឹងប្រែងសង្គ្រោះត្រូវបានរារាំងដោយផ្លូវថ្នល់ ស្ពានដែលដួលរលំ ទំនាក់ទំនងមិនច្បាស់ និងបញ្ហាប្រឈមនៃប្រតិបត្តិការនៅក្នុងប្រទេសដែលចូលរួមក្នុងសង្គ្រាមស៊ីវិល។

ខាងក្រោមនេះ ជារូបភាពមុន និងក្រោយ ការរញ្ជួយដីនៅប្រទេសមីយ៉ាន់ម៉ា ដែលបានបំផ្លាញទីកន្លែងទេសចរណ៍ដ៏សំខាន់៖

មីយ៉ាន់ម៉ា៖ កាលពីថ្ងៃសុក្រ ទី២៨ ខែមីនា កន្លងទៅនេះ ការរញ្ជួយដីកម្រិត 7.7 រ៉ិចទ័របានវាយប្រហារនៅពាក់កណ្តាលថ្ងៃ ដែលបណ្តាលឱ្យមានការខូចខាតយ៉ាងធ្ងន់ធ្ងរ រួមទាំងនៅក្នុងរដ្ឋធានី Naypyitaw និងទីក្រុងធំទីពីរ គឺ Mandalay ។