ស្អែកនេះ កម្ពុជានឹងមានភ្លៀងធ្លាក់ស្ទើរ គ្រប់ខេត្តក្រុងទាំងអស់

ភ្នំពេញ៖ យោងទៅតាម ការព្យាករណ៍អាកាសធាតុរបស់ ក្រសួងធនធានទឹក និងឧតុនិយមកម្ពុជា បានព្យាករណ៍នៅថ្ងៃទី០១ មេសា បានឲ្យដឹងថា នៅថ្ងៃទី០២ មេសា ស្អែកនេះ កម្ពុជានឹងទទួលរងនូវចំនួនទឹកភ្លៀងស្ទើរតែគ្រប់ខេត្តក្រុងទាំងអស់។

ចំពោះខេត្តខ្លះ ក៏នឹងមានភ្លៀងធ្លាក់ខ្លាំងបូករួមជាមួយខ្យល់កន្ត្រាក់គិតចាប់ពីថ្ងៃស្អែកទៅ។ សូមបងប្អូនប្រជាពលរដ្ឋធ្វើការប្រុងប្រយ័ត្នចំពោះស្ថានភាពទឹកភ្លៀង ពិសេសចំពោះខេត្តជាប់ឆ្នេរសមុត្រដូចជា ខេត្តព្រះសីហនុ ខេត្តកំពត់ ខេត្តកែប ជាដើម។

ឥទ្ធិពលទឹកភ្លៀង និងខ្យល់កន្ត្រាក់នេះ បណ្ដាលមកពីរងឥទ្ធិពលគ្រោះធម្មជាតិ និងព្យុះពីប្រទេសជិតខាង។

សូមត្រៀមអាវភ្លៀង និងប្រុងប្រយ័ត្នទាំងអស់គ្នា៕

ប្រភពពី៖ ក្រសួងធនធានទឹក និងឧតុនិយម