រូបភាពថ្មី សៀវឡុងនី បង្ហាញភាពស្រស់ស្អាត ត្រូវគេចាប់អារម្មណ៍ លើរឿងនេះ

កម្សាន្ត៖ ថ្មីៗនេះ រូបថតរបស់តារាសម្តែងស្រី Liu Yifei នៅពេលដែល នាងបានបង្ហាញខ្លួននៅក្នុងព្រឹត្តិការណ៍មួយ កាលពីថ្ងៃទី ៣១ ខែមីនាកន្លងទៅ បានក្លាយជាប្រធានបទដ៏ក្តៅគគុក នៅលើបណ្តាញសង្គម។

ក្នុងនោះដែរ តារា​សម្ដែងស្រី Liu Yifei បានចូល​រួម​ក្នុង​ពិធី​មួយ​ ដែល​ប្រារព្ធ​ធ្វើ​នៅ​ច្រាំង​ទន្លេ West Lake ក្រុង Hangzhou។ បើទោះបីជា អាកាសធាតុត្រជាក់ក៏ដោយ តែតារាស្រីរូបនេះ នៅតែអាចបង្ហាញខ្លួនបានយ៉ាងទាក់ទាញ ក្នុងឈុត Miss Sohee Spring/Summer 2025 Haute Couture ដែលជារ៉ូបពណ៌ខៀវវាលទ្រូ.ងយ៉ាងស៊ិ.ច.ស៊ី និងបានតុបតែងជាមួយនឹងគ្រឿងអលង្ការ Bvlgari លំដាប់ខ្ពស់ រំលេចភាពស្រស់ស្អាត យ៉ាងខ្លាំង។

បន្ទាប់ពី ការចូលរួមព្រឹត្តិការណ៍នេះ រូបថតមួយចំនួនដែលមិនមានការកែសម្រួល របស់ Liu Yifei ត្រូវបានបង្ហោះនៅលើ Weibo និងបានទាក់ទាញការចាប់អារម្មណ៍ជាច្រើន។ យ៉ាងណាមិញ មានមតិមួយចំនួនរិះគន់ តារាស្រីរូបនេះ ថាធាត់ បង្ហាញស្នាមជ្រីវជ្រួញ ហើយមិនស្អាតដូចរូបភាព ដែលបង្ហោះលើបណ្តាញផ្សព្វផ្សាយ នោះទេ។

ដោយឡែក នៅក្នុងរូបថតជាច្រើនសន្លឹក ដែលបង្ហោះដោយខ្លួននាងផ្ទាល់ Liu Yifei ត្រូវបានអ្នកគាំទ្រសរសើរមិនដាច់ពីមាត់ ជាមួយនឹងសម្រស់មានមន្តស្នេហ៍ ដែលអាចទាក់ទាញក្រសែភ្នែកទស្សនិកជន ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖