ផ្ទុះ.បំ.ព.ង់ហ្គាសរាលដាលដល់ផ្ទះជាច្រើនខ្នងបណ្តាលឲ្យមនុស្សជាង ១០០ នាក់រងរ.បួ.ស នៅម៉ាឡេស៊ី

អគ្គីភ័យដែលបង្កឡើងដោយការផ្ទុះបំពង់ហ្គាស បានរាលដាលដល់ផ្ទះជាច្រើនខ្នង បានធ្វើឲ្យមានអណ្តាតភ្លើងឡើងទៅលើមេឃ យ៉ាងសន្ធោសន្ធៅដ៏ធំ នៅជាយទីក្រុងរបស់ប្រទេសម៉ាឡេស៊ីកាលពីថ្ងៃអង្គារ ដោយបានបណ្តាលឲ្យមនុស្សជាង ១០០ នាក់រងរបួស។

គ្រោះមហន្ដរាយដ៏មហិមានៅជិតស្ថានីយ៍ប្រេងឥន្ធនៈមួយក្នុងទីក្រុង Putra Heights នៅជាយទីក្រុង Kuala Lumpur អាចមើលឃើញជាច្រើនរយម៉ែត និងមានរយៈពេលជាច្រើនម៉ោង។

វាបានកើតឡើងក្នុងអំឡុងពេលថ្ងៃឈប់សម្រាកជាសាធារណៈ ខណៈដែលអ្នកកាន់សាសនាឥស្លាម ដែលភាគច្រើននៅក្នុងប្រទេសម៉ាឡេស៊ី ប្រារព្ធថ្ងៃទីពីរនៃពិធីបុណ្យ Eid ។

ក្រុមហ៊ុនប្រេងជាតិ Petronas បាននិយាយថា ភ្លើងបានចាប់ផ្តើមនៅបំពង់បង្ហូរឧស្ម័នមួយរបស់ខ្លួននៅម៉ោង៨ព្រឹកព្រឹក នាយកដ្ឋានពន្លត់អគ្គីភ័យរដ្ឋ Selangor បានប្រាប់កាសែត Star ថា អណ្តាតភ្លើងដែលមានកម្ពស់ស្មើនឹង ២០ ជាន់ បានធ្វើឲ្យផ្ទះចំនួន ៤៩ ខ្នងបានរងការខូចខាត និងមនុស្ស ១១២ នាក់បានរងរបួស ដោយ 63 នាក់ត្រូវបានបញ្ជូនទៅមន្ទីរពេទ្យដោយសារការរលាក ពិបាកដកដង្ហើម និងរបួសផ្សេងទៀត។

នាយករដ្ឋមន្រ្តី Selangor លោក Amirudin Shari បាននិយាយថា នាយកដ្ឋានពន្លត់អគ្គីភ័យបានជម្លៀសផ្ទះនៅក្បែរនោះជាវិធានការសុវត្ថិភាព ហើយអ្នកស្រុកនឹងត្រូវដាក់ក្នុងវិហារឥស្លាមក្បែរនោះ រហូតដល់ស្ថានភាពស្ថិតក្រោមការគ្រប់គ្រងបាន៕

ប្រភព៖ CNN